Atalǵan oqý ornynyń kúndizgi, kúndizgi-qysqartylǵan jáne syrttaı (bakalavrıat, magıstratýra, doktorantýra) bólimderinde 12 801 stýdent oqıdy. Oqytýshylar men stýdentterge onlaın-vebınarlarda «qashyqtan ótetin» sessııanyń tártibi týraly aıtyldy. Rektordyń mindetin atqarýshy Erkebulan Tajbaev tikeleı efır júrgizip, emtıhandardy jańa formatta tapsyrýǵa qatysty barlyq suraqtarǵa jaýap berdi.
QarMÝ-dyń oqý isi jónindegi prorektor Bekbolat Núsipbekov sessııanyń alǵashqy kúni úsh myńǵa jýyq stýdenttiń emtıhan synaǵynan sátti ótkenin málim etti.
– Sessııa endi ǵana bastaldy. Degenmen, alǵashqy kún dıstansııalyq tehnologııalardy qoldanýdyń ózindik artyqshylyqtary bar ekenin kórsetti. Stýdenttiń ózine senimdi bolýyna úırenshikti úı jaǵdaıynyń aıtarlyqtaı kómektesetinin aıta ketken jón, – dep atap ótti ol.
Jalpy, QarMÝ-da tórt myńnan astam emtıhan ótedi. Al birinshi kúni tehnıkalyq sebepterge baılanysty jeliden ajyratylyp qalǵan 20 stýdentke emtıhandy qaıta tapsyrýǵa múmkindik berilgen.
