Keshe oblys ákimi Danıal Ahmetov Semeıge jumys saparymen baryp, Abaıdyń 175 jyldyq mereıtoıyna ázirlik barysymen tanysyp qaıtty. Aımaq basshysy Abaı atyndaǵy alańda jáne Abaı teatryndaǵy jóndeý jumystaryn kórip, Abaı mýzeıinde boldy.
Erekshe atap óter dúnıe, bıylǵy mereıtoı aıasynda hákimniń tabany tıgen qara shańyraq aldyna aqyn men uldarynyń birge turǵan eskertkishi qoıylmaq. «Mundaı eskertkish elimizde áli qoıylǵan joq. Týyndynyń ózgesheligi, aqynnyń uldarymen birge turǵany, uldarynyń ákesine meıirlene, súıispenshilikpen, qurmetpen kóz salǵan sáti. Bul jerde uly Abaıdy qamqor áke retinde kórsetkimiz keldi» deıdi Danıal Ahmetov.
Týyndy avtorlary – óskemendik Sársen Seıisov pen semeılik Nurbol Qalı. Buǵan deıin Jarmadaǵy Zere ana men bala Abaıdyń, Zaısandaǵy Baımurat batyrdyń, Abaı aýdanyndaǵy Abaı, Qunanbaı jáne Toqtamys batyrdyń eskertkishterin jasaǵan músinshi Nurbol Qalıdyń aıtýynsha, eskertkishte aqyn janynda uldary Aqylbaı men Týraǵul beınelenbek.
SEMEI
