Osy oraıda Jetisaı aýdanynan 250 tonnaǵa jýyq qyryqqabat tıelgen 10 júk kóligi jolǵa shyqty. Bul oramjapyraqtar "Degdar" qaıyrymdylyq qory arqyly elimizdegi barlyq balalar úılerine jáne turmysy tómen otbasylarǵa tegin taratylady. Budan bólek, Jetisaı aýdanynyń 300 tonna oramjapyraq tıelgen júk kólikteri Almaty qalasy ákimdigimen kelisim negizinde Almaty qalasyndaǵy bazarlarǵa jóneltildi. «Búgingi tańǵa deıin aýdan boıynsha 705 gektar jerden jalpy kólemi 20 myń tonna oramjapyraq jınaldy. Naqtyraq aıtsaq, jetisaılyq 367 sharýa qyryqqabat daqylyn ekse, sonyń 246-sy qazirgi tańǵa ónimin jınap úlgergen. Birde - bir qyryqqabat jerde qalyp jatqan joq. Indetke baılanysty qıyndyqtar týyndaǵanymen dıqandar óz ónimderin saýdalap úlgerýde. Sharýalardyń eńbegi esh ketpeýi úshin ózge oblys ortalyqtarynyń basshylarymen toqtaýsyz kelissózder júrgizip jatyrmyz», deıdi aýdan ákimi Jamantaı Beısenbaev.
Jalpy bıyl Jetisaı aýdanynda 78 myń gektar alqaptyń 1180 gektaryna erte kóktemgi qyryqqabat egilgen bolatyn.
Túrkistan oblysy
