Tótenshe jaǵdaı rejımin qamtamasyz etý jónindegi óńirlik jedel shtabtyń málimetine súıensek, búgin koronavırýsqa shaldyqqan 15 jumysshynyń ony – er adam, al, beseýi – áıel.
– Olar Teńiz kenishinde merdigerlik jáne qosalqy merdigerlik kompanııalarda jumys istegen. Bári de osy kezge deıin koronavırýs juqtyrǵan naýqastarmen baılanys jasaǵany úshin karantındik stasıonarda boldy. Olardan zerthanalyq analız alynyp, PTR testileýdiń dıagnostıkalyq zertteýi nátıjesinde koronavırýs ınfeksııasy anyqtaldy.
Qazir naýqastardyń jaǵdaıy qanaǵattanarlyq. Bekitilgen hattamaǵa sáıkes, em qabyldap jatyr. Naýqastarmen baılanysta bolǵandar anyqtalyp, medısınalyq baqylaýǵa alyndy. Qaýipti indet oshaqtarynda dezınfeksııalyq jumystar júrgizilýde, -dep habarlady óńirlik jedel shtab.
Búgin Atyraý oblysynda koronavırýs ınfeksııasymen 161 adam tirkeldi. Onyń ishinde Teńiz ken ornynyń 97 jumysshysy bar.
