Jedel kúres júrgizetin Ulttyq bıýronyń qyzmeti qanshalyqty sapaly bolǵanymen jemqorlyqty joıa alatyn emes. Jýyrda Parlament Májilisi indetke qarsy kúrestiń zańnamasyn jetildirýdi maqsat etken tolyqtyrýlar men ózgertýlerdi qamtyǵan zań jobasyn birinshi oqylymda maquldady. Qabyldanǵan kúnde bul zańnyń qanshalyqty tıimdi bolaryn aldaǵy ómir kórsetedi.
Negizgi kúres qoǵamnyń óz ishinde qatty damyp, adamnyń sanasyna para alýdyń qanshalyqty zııan ekendigi sińirilýi kerek. О́z memleketiniń jetilýine, eliniń taza bolýyna múddeli bolǵan Eýropadaǵy órkenıetti elderdiń azamattary jemqorlyqty jappaı kórsetip, oǵan qarsy kúreske shyqqan. Sonyń arqasynda olar ashyq, taza tártipke qol jetkizdi. Al biz keńestik keńkelestik rejimnen ury-qarynyń ıdeologııasyn basymyzǵa sińirip, ókimetke bolyspa, oǵan eshkimdi satpa degen jaman ádetti ustap qalǵanbyz. Saıyp kelgende ol ózimizge zııan ekenin sezinbeımiz. Sonyń kesirinen adamdardyń bir-birine degen, memleketke degen senimi tómendeıtinin, ekonomıkalyq damý da toqyraıtynyn uǵa qoımaımyz.
Elimizdiń sybaılas jemqorlyqqa qarsy 2015-2025 jyldar aralyǵyndaǵy kúres strategııasyn iske asyrý úshin Soltústik Qazaqstanda da «Qyzyljar - adaldyq alańy» atty keńse joba qolǵa alynǵan. О́tken beısenbi kúni sol keńseniń 2020 jyldyń I toqsanyndaǵy jumysyn qorytyndylaǵan vedomstvoaralyq komıssııanyń otyrysy boldy. Osy ýaqyt aralyǵynda keńsege 15 adam qaırylǵan eken. Onyń 13-niń quqy sybaılastyqtyń kesirinen buzylǵany anyqtalyp, qalpyna keltirilipti. Sybaılas jemqorlyqqa qarsy kúres departamentiniń basshysy óziniń sózinde osyndaıǵa jol berilgen ujymdardyń basshylary tártiptik jaýapkershilik tartqanyn atady.
Komıssııanyń otyrysyna qatysqan oblys ákimi Qumar Aqsaqalov óziniń sózinde: «Bul iske qoǵam ókilderin barynsha kóp tartýymyz kerek. Tek barlyq qoǵam bolyp kúreskende ǵana indetti joıa alamyz», dedi. Otyrysta jemqorlyq áreketti kórgen adam bolsa dereý 1424 telefonyna habarlasý kerektigi de ıtyldy.
Soltústik Qazaqstan oblysy
