Endi sol jumysshylar karantın talabyn jeńildetýdi talap etip otyr. Alaıda, olardyń bul talabyna ruqsat berilgen joq.
–«COC Realty» kompanııasynyń 100-ge jumysshysy 2 mamyr kúni keshke óz talaptaryn bildirý úshin jınalǵan. Buryn bul kompanııanyń bir jumysshysynan koronavırýs ınfeksııasyn juqtyrý faktisi anyqtalǵan edi. Soǵan oraı barlyq jumysshy karantındik stasıonarǵa aýystyryldy. Jumysshylar turmystyq jaǵdaı talabyn jeńildetýdi talap etti. Sonyń ishinde ortaq temeki tartatyn orynǵa barýǵa, ortaq orynda tamaq ishýge, birge ýaqyt ótkizýge ruqsat suraıdy. Bul oqshaýlaný rejiminiń talabyn buzý bolyp sanalatyndyqtan, ruqsat berýden bas tartyldy, -dep habarlady Tótenshe jaǵdaı rejımin qamtamasyz etý jónindegi óńirlik jedel shtabtan.
Jumysshylar sondaı-aq karantınniń engizilýine baılanysty eńbekaqyǵa ústemeaqy qosylǵanyn qalap otyr. О́ıtkeni, olardyń kópshiligi ekinshi vahtalyq aýysymda jumysyn jalǵastyrýda.
–3 mamyrda jumysshylarmen ákimdiktiń qyzmetkerleri men jumys berýshi kezdesti. Eńbekaqy tóleý jónindegi másele sheshimin tapty, -dedi óńirlik jedel shtabtan.
О́ńirlik jedel shtabtyń málimetine súıensek, Teńiz kenishinen jumysshylardy turǵylyqty mekenjaıyna deıin shyǵarý jalǵasyp jatyr. Osy kezge deıin 13 myńnan astam jumysshy óz óńirlerine jetkizildi.
