Alaıda, bul aýdanda turatyn turǵyndardyń bárin birdeı baqýatty deýge bolmaıdy. Máselen, aýdan ortalyǵy Qulsary qalasynda turmysy tómen otbasylar kezdesedi. Sonyń biri – kóp balaly Baqtygúldiń otbasy. Toǵyz jyl buryn kúıeýi ómirden ótken. Tórt balasynyń ekeýi múgedek. Al baspanasy ábden tozǵan. Terezedegi áınektiń ornyn plenka almastyrypty.
– Birneshe jyl buryn dosym ári kórshim Abylaı Tólepovpen birge volonterlik isti qolǵa alǵan edik. Muqtaj jandarǵa qolǵabys berýdi kózdep, bastapqyda óz qarajatymyzdy jumsadyq, -deıdi qulsarylyq Dıas Ibataev. –Keıin bizdiń qatarymyzǵa ózge dostarymyz da qosyldy. О́zimiz turatyn №8 aýyldaǵy qarapaıym turǵyndarǵa azyq-túlik alyp berip júrdik. Jaqynda Baqtygúldiń otbasyndaǵy ahýalmen tanysqan soń, jańa baspana salyp berýdi jón kórdik.
О́ıtkeni, kóp balaly otbasy turatyn baspana elý jyl buryn saman kirpishten salynypty. Volonterlar qulaýdyń az-aq aldynda turǵan úıdegi kóp balaly otbasynyń turmysy týraly shaǵyn rolık túsirip, áleýmettik jelide jarııalady. Qarjy jınaý úshin arnaıy qor qurdy. Bul jomart júrekti jandardy beıjaı qaldyrmady. Qorǵa túsken qarjynyń esebin áleýmettik jelide ashylǵan paraqshada jarııalap otyrady.
– Biz áýeli bul otbasyǵa úı jaldap berdik. Sodan soń eski úıdi buzyp, ornyn tazaladyq. Baqtygúldiń otbasymen aqyldasyp, jańadan boı kóteretin baspananyń jobasyn jasadyq. Jobaǵa sáıkes, jańa úıde tórt bólme bolady. Buǵan asúı bólmesin qosyńyz. Jalpy aýmaǵy 120 sharshy metrdi quraıdy. Sebebi, bul otbasynyń kóp balaly ekeni eskerildi, -deıdi Dıas Ibataev.
Qazir volonterlar bastaǵan úıdiń qabyrǵasy bıiktep keledi. Bir ereksheligi, muqtaj jandarǵa kómek kórsetýdi qolǵa alǵan jastardyń bári – táýelsizdiktiń qurdastary. Olar jaqynda tórt balasymen baspana taýqymetin tartqan jesir anany jańa úıge qonystandyrmaq. Aldaǵy ýaqytta da osyndaı qaıyrymdylyq isti jalǵastyrýdy kózdep otyr.
