Aıyrtaý aýdany ejelden Qazaqstannyń eń ádemi oryndarynyń biri bolyp sanalady. Bul ólke kórkem kólder men qalyń ormandarǵa baı, sondyqtan oǵan jergilikti jerlerden ǵana emes, respýblıkanyń jaqyn mańdaǵy aımaqtarynan, tipti Reseı Federasııasynan demalýshylar kóp keledi. Ramıl Kammalov týrızm salasyn damytýdyń memlekettik baǵdarlamasyn iske asyrý sheńberinde sýda qutqarý stansııalaryn salý josparlanǵan Shalqar jáne Imantaý kólderindegi ýchaskelerindegi jumystyń barysymen tanysty jáne Imantaý selosyndaǵy órt sóndirý beketiniń jaǵdaıyn tekserdi. «Aýdanda týrıstik salany damytý áleýeti óte zor, bizdiń oblystaǵy sýda jappaı demalýǵa bolatyn 58 orynnyń 46-sy osynda ornalasqan. Bizdiń mindetimiz - qazaqstandyqtar men óńir qonaqtarynyń qaýipsizdigin qamtamasyz etý»,- dep atap ótti Ramıl Kamalov.
Oblys ákimi Qumar Aqsaqalov týrızmdi damytý sharalary aıasynda sýǵa túsetin adamdardyń 2020 jylǵa qaýipsizdigin saqtaý josparyn bekitýdi tapsyrǵan. TJ departamentiniń bastyǵy osy jospardy tııanaqtaý maqsatynda halyq sýǵa túsetin Ǵabıt Músirepov, Shal aqyn, Esil jáne Mamlıýt aýdandaryn da 3 kún boıy aralap shyqpaqshy.
Soltústik Qazaqstan oblysy
