Mine, «Egemen Qazaqstan» gazetine bergen suhbatynda el Prezıdenti Q.Toqaev osy máselege keńirek toqtalypty. Shynynda qazirgideı karantın jaǵdaıynda bul oqytý júıesine balama joq. Endi Prezıdent aıtqandaı, qashyqtan oqytý júıesin áli de jetildire túsý qajet. Iá, alǵashynda ınternettiń jyldamdyǵyna baılanysty ustazdar men ata-analardyń arasynda biraz túsinispeýshilik bolǵany ras. Biraq birte-birte bul másele de oraıyn taýyp, qashyqtan oqytý qazir qalypqa tústi.
Tótenshe jaǵdaıdyń aýyrtpalyǵy barlyq salanyń mamandaryna túsýde. Solardyń ishinde dáriger, muǵalim, polısııa qyzmetkerleri, aqparat quraldarynyń ókilderi erekshe belsendilik tanytýda. Karantın kezinde úıde otyryp, balalarǵa bilim berýdemiz. Áıteýir balalardyń bilim alýǵa degen yqylasy, ynta-jigeri jaman emes. Úı tapsyrmasyna jaýapkershilikpen qaraıdy. Prezıdent óz suhbatynda qashyqtan oqytýdyń ýaqytsha qıyndyq ekenin aıtyp, oqý jylynyń oıdaǵydaı aıaqtalatynyna senim bildiripti.
Adamnyń negizgi qundylyǵy – bilim, al bilimdi urpaq – ult baılyǵy ekeni bárińizge belgili. «Bilimsiz halyq qansha baı bolsa da, baılyǵy basqa halyqtyń qolyna kóshedi» dep Alash kósemi Ahmet Baıtursynulynyń biliktilikpen aıtqan sózi búgingi tańda da óziniń mánin joǵaltqan joq. Prezıdent Q. Toqaev muǵalimderdiń osynaý qysyltaıań sáttegi eńbegin baǵalap, suhbat barysynda ustazdar qaýymyna alǵys bildirýi keýdemde maqtanysh sezimin oıatyp, kúsh-jiger berdi.
Serik TО́LENDIEV,
M.Mámetova atyndaǵy jalpy orta bilim berý mektebiniń muǵalimi
Shymkent
