Úkimet basshysy jalpy uzyndyǵy 363 shaqyrym bolatyn «Qaraǵandy – Balqash» avtojolynyń rekonstrýksııasymen tanysty. Jóndeý jumystaryna 1800 jumysshy men 900-ge jýyq tehnıka tartylǵan.
Bıyl barlyq jol boıyndaǵy jańa jabyny boıynsha jol qozǵalysyn ashýdy qamtamasyz etý, sondaı-aq 297 sý ótkizetin qubyr, 17 kópir, jol aıryǵynda eki jolótkel jáne aýyl sharýashylyǵy tehnıkasynyń ótýi úshin 33 jolótkel salý josparlanǵan.
Bıyl «Nurly jol» memlekettik baǵdarlamasy aıasynda Qaraǵandy oblysynda jol qurylysy jumystarymen barlyǵy 800 shaqyrymnan astam jol qamtylatyn bolady.
Premer-Mınıstr jol qurylysy jumystarynyń qarqynyn kúsheıtýdi tapsyrdy jáne qurylatyn jol ınfraqurylymynyń sapasyn qamtamasyz etýdiń mańyzdylyǵyn atap ótti.
Balqash qalasynda A. Mamın «Nurly jer» baǵdarlamasy aıasyndaǵy áleýmettik turǵyn úıdiń salyný barysymen, sondaı-aq áýejaıdy rekonstrýksııalaý jáne óńirdiń týrıstik áleýetin arttyrý jobasymen tanysty.
Sonymen qatar Úkimet basshysy «Kazakhmys Smelting» JShS Balqash mys balqytý zaýytyna bardy, onda óndiris prosesimen jáne kásiporyndy odan ári damytý josparymen tanystyryldy.
