Taǵaıyndaý • 06 Mamyr, 2020

Atyraý: Densaýlyq saqtaý basqarmasyna basshynyń mindetin atqarýshy keldi

Endi bul laýazymdy Nurlybek Qabdyqaparov atqaratyn boldy. Oblys ákimi Mahambet Dosmuhambetovtiń ókimimen ol oblystyq densaýlyq saqtaý basqarmasy basshysynyń mindetin ýaqytsha atqarýshy bolyp taǵaıyndaldy.

Joldasbek KО́ShERBAIULY

Nurlybek Rysqalıuly – Atyraý oblysynyń týmasy. Eki joǵary bilimi bar. 1993 jyly Qaraǵandy memlekettik medısına ınstıtýtyn dáriger-pedıatr mamandyǵymen bitirgen. Sondaı-aq, Iаassaýı atyndaǵy halyqaralyq qazaq-túrik ýnıversıtetinen memlekettik jáne jergilikti basqarý mamandyǵyn alǵan.

Eńbek jolyn 1994 jyly Atyraý qalalyq balalar aýrýhanasynyń №1 bólimshesinde dáriger-anestezıolog, reanımatolog bolyp bastaǵan. Keıin 1996 jyly Atyraý qalalyq balalar aýrýhanasynda ıntensıvti terapııa bólimshesiniń meńgerýshisi bolǵan.

1996-1997 jyldary Atyraý qalalyq balalar juqpaly aýrýlar (ınfeksııalyq) aýrýhanasynyń dáriger-anestezıolog, reanımatology, 1997-2000 jyldary reanımasııa bólimshesiniń meńgerýshisi, 2000-2002 jyldary bas dárigeri qyzmetterin atqarǵan.

2002-2003 jyldary Atyraý qalalyq densaýlyq saqtaý bólimi bastyǵynyń mindetin atqarýshy, 2003-2005 jyldary Atyraý qalalyq densaýlyq saqtaý bóliminiń bastyǵy, 2005-2006 jyldary Atyraý qalalyq Jumyspen qamtý jáne áleýmettik baǵdarlamalar bóliminiń bastyǵy, 2006-2007 jyldary Atyraý oblysy boıynsha Densaýlyq saqtaý departamenti basshysynyń orynbasary bolyp istegen.

2007-2008 jyldary Medısınalyq qyzmet kórsetý salasyndaǵy baqylaý komıtetiniń Atyraý oblystyq basqarmasynyń dırektory, 2008-2009 jyldary Medısınalyq qyzmet kórsetý salasyndaǵy baqylaý komıtetiniń Atyraý oblystyq departamentiniń dırektory, 2009-2013 jyldary Qazaqstan Respýblıkasy Densaýlyq saqtaý mınıstrligi Medısınalyq qyzmetterdi tóleý komıtetiniń Atyraý oblysy boıynsha departamentiniń dırektory, 2013-2016 jyldary Qazaqstan Respýblıkasy Densaýlyq saqtaý mınıstrligi Medısınalyq qyzmetterdi tóleý komıtetiniń Astana qalasy boıynsha departamentiniń basshysy, 2016-2017 jyldary QR Densaýlyq saqtaý mınıstrligi Medısınalyq qyzmetterdi tóleý komıtetiniń Aqmola oblysy boıynsha departamentiniń basshysy, 2017-2019 jyldary «Áleýmettik medısınalyq saqtandyrý qory» kommersııalyq emes aksıonerlik qoǵamynyń Astana qalasy boıynsha fılıalynyń dırektory laýazymdaryn atqarǵan.

Byltyrǵy jeltoqsannan beri «Áleýmettik medısınalyq saqtandyrý qory» kommersııalyq emes aksıonerlik qoǵamynyń Almaty qalasy boıynsha fılıalynyń dırektory qyzmetin atqaryp keldi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz