Bırjadaǵy (LSE jáne KASE) KAZ Minerals aksııalary baǵasy qymbattaıtynyn aıtyp otyr. Sebebi jahandyq ekonomıkanyń kúre tamyryna qan júgire bastady, biraz elder karantınge baılanysty shekteýlerdi álsiretti.
Boljam
KAZ Minerals PLC
Tıker - GB_KZMS.
Potensıal - 12,55%.
Qazirgi baǵasy - 2250 teńge.
Maqsatty baǵa - 2532 teńge.
Nelikten satyp alý kerek?
2019 jáne 2020 jyldyń birinshi toqsanyndaǵy nátıje jaqsy. KAZ Minerals 2019 jylǵa arnalǵan operasııalyq nátıjesi kútken úmitten asyp ketti. 2020 jyldyń birinshi toqsanynyń qortyndysy boıynsha óndiris 7% ósip, 74,9 myń tonnaǵa jetti.
Bozshakól ken ornyndaǵy rýda óndirisiniń ulǵaıýy esebinen altyn óndirisi 28% -ǵa ósti. Sonymen qatar, kompanııa Qytaımen shekarada birshama kidiristerge qaramastan óz klıentterine satýdy jalǵastyrdy.
Osylaısha, birneshe elder karantındi álsiretýge nıet bildirgen kezde ınvestorlardyń da tábeti artyp ketti. Aksııa baǵasynyń qymbattap ketý sebebi de osy.
Jaqynda mys kotırovkalary 4-saǵattyq dıagrammaǵa sáıkes 50 kúndik qozǵalmaly ortasha deńgeı men 200 kúndik ortasha deńgeıden asyp ketkenin kórsetti. Bul baǵanyń túzelip kele jatqanyn rastaıdy. Osyǵan baılanysty KAZ Minerals mys pen altyn óndirisin arttyrýǵa sheshim qabyldady.
Birinshi toqsannyń qorytyndysy boıynsha KAZ Minerals Toby 74,9 myń tonna mys óndirdi, bul ótken jyldyń sáıkes kezeńimen salystyrǵanda 7% -ǵa kóp. Altyn óndirý 28% -ǵa, 55,4 myń ýnsııaǵa deıin ósti.
«Altynnyń turaqty óndirisi Bozshakól óńdeý zaýytynyń joǵary óndiristik deńgeıiniń ósýine baılanysty qol jetti» dep atap ótti kompanııa.
Sonymen birge, koronavırýstyq pandemııa áserinen álemdegi ekonomıkalyq problemalarǵa qaramastan, KAZ Minerals mys óndirýdiń jyldyq josparyn ózgertpedi, ony 280-300 myń tonna deńgeıinde qaldyrdy.
Birinshi toqsannyń qorytyndysy boıynsha KAZ Minerals Toby 74,9 myń tonna mys óndirdi, bul ótken jyldyń sáıkes kezeńimen salystyrǵanda 7% -ǵa kóp. Altyn óndirý 28% -ǵa, 55,4 myń ýnsııaǵa deıin ósti. Altynnyń turaqty óndirisi Bozshakól óńdeý zaýytynyń joǵary ótkizý qabilettiligimen baılanysty, dep atap ótti kompanııa. Sonymen birge, koronavırýstyq pandemııa áserinen álemdegi ekonomıkalyq problemalarǵa qaramastan, KAZ Minerals mys óndirýdiń jyldyq josparyn ózgertpedi, ony 280-300 myń tonna deńgeıinde qaldyrdy.
Qańtar-naýryz aılarynda eń kóp óndiris kólemin Aqtoǵaı ken orny berdi - 33,3 myń tonna, alaıda bul ótken jyldyń birinshi toqsanyndaǵy óndiris kóleminen 9% -ǵa tómen. «Tómendeý fabrıkalarǵa josparly tehnıkalyq qyzmet kórsetý jáne qalpyna keltirýdiń tómen deńgeıimen baılanysty », - dep túsindirdi kompanııa.
Soǵan qaramastan, kompanııa Aqtoǵaı jyl sońyna deıin 120-130 myń tonna mys óndiredi dep sanaıdy.
О́tken jylmen salystyrǵanda Bozshakól ken ornyndaǵy mys óndirisi 25% -ǵa 29,8 myń tonnaǵa deıin ósti. Altyn óndirisi odan da jaqsy. Onyń kólemi 42,3 myń ýnsııaǵa deıin ósti, bul ótken jyldyń birinshi toqsanymen salystyrǵanda 41% -ǵa kóp.
О́ndiristiń ósýi Shyǵys Qazaqstan oblysynyń taý-ken kásiporyndarynda jáne Qyrǵyzstandaǵy Bozymchak ken ornynda da baıqaldy. Jalpy, bul ken oryndarynda 11,8 myń tonna mys óndirildi, bul bir jyl burynǵy kórsetkishten 24% joǵary.
KAZ Minerals PLC - bul Qazaqstan, Qyrǵyzstan jáne Reseıde jumys isteıtin halyqaralyq tabıǵı resýrstar kompanııasy. Mys óndirýmen jáne satýmen aınalysady. Rýda óndirýden bastap daıyn metall óndirýge deıingi jumystyń tolyq sıklyn oryndaıdy. Mys óndirý bólimshesi óndiristiń janama ónimi bolyp tabylatyn metaldardy, sonyń ishinde myrysh, kúmis jáne altyn óndiredi.
