Karantın kezinde eriktiler birinshi kezekte qajetti azyq-túlik ónimderin jetkizedi. Jalǵyz turatyn nemese densaýlyǵy jáne áleýmettik jaǵdaıyna baılanysty kómekke muqtaj adamdarǵa erekshe kóńil bólinedi. Bul rette karantın sharttarymen bekitilgen baılanyssyz jetkizý, qashyqtyqty saqtaý, medısınalyq maskalar taǵý men qolǵaptar kııý syndy barlyq saqtyq sharalar saqtalady.
Joba «Samruk-Kazyna Trust» Áleýmettik jobalardy damytý qory «Samuryq-Qazyna» AQ kompanııalar tobynyń atynan «Qazaqstan Temir Joly» UK» AQ janyndaǵy Áleýmettik jobalar qorymen birlesip júzege asyrylady. Volonterler qataryna «Samuryq-Qazyna» AQ kompanııalar tobynyń qyzmetkerleri men belsendi azamattar kiredi.
«Búginde jobaǵa «Samuryq-Qazyna» AQ portfeldik kompanııalar qyzmetkerlerinen 200 erikti qosyldy jáne biz Uly Otan soǵysy ardagerleri men tyl eńbekkerlerine kómektesýge nıet bildirgen elimizdiń barlyq azamattaryn qosylýǵa shaqyramyz», - deıdi «Samruk-Kazyna Trust» Qorynyń resmı ókili Mıras Irgebaev.
Aıta keteıik, «Jeńis» jobasynyń maqsaty - ardagerler men tyl eńbekkerlerine júıeli kómek kórsetý. Volonterler qart adamdarǵa sharýashylyq boıynsha kómektesedi: úı men aýlany tazalaý, azyq-túlik pen dári-dármek satyp alý, eń bastysy - olarmen áńgimelesip, ýaqyt ótkizý. Joba jumysynyń 5 jyly ishinde ardagerler men tyl eńbekkerlerine 10 000-nan astam volonterlik reıd jasaldy.
«Men «Jeńis» jobasymen bıyl tanystym jáne aýqymdy volonterlik qozǵalystyń bir bóligi bolǵanyma óte qýanyshtymyn. Meniń komandamda qazirgi ýaqytta 18 adam, biz únemi reıdter ótkizip turamyz jáne osy ýaqytqa deıin Almaty qalasynyń 40-tan astam ardagerleri men tyl eńbekkerlerine kómek berip úlgerdik. Karantın jaǵdaıynda eriktilerdiń jumysy mańyzdy bolyp tabylady. Ardagerlerge kómek kórsetý, olardy qoldaý, olarǵa qamqorlyq jasaý – meni jasampazdyqqa úıretedi», - deıdi «Jeńis» jobasynyń Almaty qalasy boıynsha úılestirýshisi, «QTJ - Júk tasymaly» AQ – «JT Almaty bólimi» vagon sharýashylyǵy qozǵalysynyń qaýipsizdigi boıynsha revızor Dıas Baıǵonýsov.
Sondaı-aq, 2020 jyly Qazaqstan men TMD elderi aýmaǵynda 1935 jyldyń 31 jeltoqsanyna deıin týǵan UOS ardagerleri men tyl eńbekkerlerine tegin temirjol jol júrýin usyný boıynsha naýqan jalǵastyrylatyn bolady. Bıletti resimdeý úshin temir jol kassalaryna baryp, ózimen birge UOS qatysýshynyń nemese múgedektik týraly jeke basyn kýálandyratyn qujattyń túpnusqasy men kýáligi, al tyl eńbekkerlerine arnaıy memlekettik járdemaqy taǵaıyndaý týraly belgisi bar zeınetkerlik kýáligi bolýy qajet. Naýqannyń múmkindikterin karantın rejımin aıaqtalǵannan keıin birden paıdalanýǵa bolady.
