О́ńirlik kommýnıkasııalar qyzmetiniń habarlaýynsha, qaıyrymdylyq sharasyna Atyraý oblysynyń qurmetti azamaty Rashılıa Mursálıeva uıytqy bolǵan. Aksııaǵa oblys ákimi janyndaǵy Áıelder isi jáne otbasylyq-demografııalyq saıasat jónindegi komıssııanyń músheleri men eńbek ardagerleri, qoǵam belsendileri men Isataı, Mahambet, Qyzylqoǵa jáne Inder aýdandarynyń isker áıelderi atsalysypty.
– Biz «MEIRIM SHUAGY» aksııasyn qolǵa alyp, qaýipti indetpen kúrestiń alǵy shebinde júrgen medısına jáne polısııa qyzmetkerlerine qoldaý kórsetýdi kózdedik. Aksııaǵa ún qosqandardan on kúnde 6 mln 500 myń teńge jınaldy. Bul qarjyny medısına salasynyń 100 qyzmetkerine, sondaı-aq, 30 polısııa qyzmetkerine 50 myń teńgeden aýdardyq. О́ıtkeni, olar qaýipti indettiń taralyp ketpeýi úshin óz ómirin táýekelge tigip, otbasyna barmaı, kúni-túni jumys isteýde. Olardyń damylsyz eńbegine ózimizdiń qurmetimizdi, qoldaýymyzdy osylaı bildirýdi jón kórdik, -deıdi qoǵam qaıratkeri Rashılıa Mursálıeva.
Onyń aıtýynsha, aksııa barysynda «О́nerpaz» JShS-niń tigin sehynda tegilgen 1000 medısınalyq maska tegin taratylypty.
