Aǵymdaǵy jyldyń basynan (2020 jylǵy sáýir 2019 jylǵy jeltoqsanǵa) baǵanyń ósýi kókónisterge – 24,9%, qumshekerge – 13,6%, jemisterge – 12,5%, jarmalarǵa – 8,4%, sary maıǵa – 6,1%, qoı etine – 5,4%, makaron ónimderine, jylqy etine, sıyr etine – 4,9%-dan, et ónimderine – 4,8%, unǵa – 4,2%, muzdatylǵan balyqqa – 4,1%, máıekti irimshikke – 3,7%, pasterlengen sútke – 3,2%, shoshqa etine – 2,9%, súzbege, shujyq ónimderine – 2,8%-dan, qyshqyl sút ónimderine – 2,7%, toqash jáne unnan daıyndalatyn ónimderine – 2,3%, shaıǵa – 1,9%, nanǵa 1,7% belgilendi. Temeki ónimderi – 4,7%, mıneraldy jáne as sý – 3,4%, salqyndatylǵan sýsyndar 2,3% qymbattady. Baǵanyń tómendeýi kúrishke – 2,5%, sókke 1,3% tirkeldi.
Baǵa ósimi dári-dármekke – 4%, jeke qoldanylatyn taýarlarǵa, jýǵysh jáne tazalaǵysh quraldarǵa – 3,8%-dan, avtomobılderge – 2,6%, turmystyq aspaptarǵa 2,2% qurady. Benzın 4,1% qymbattady, al dızel otyny 2,2% arzandady.
Baǵa deńgeıi quqyqtyq, jeke kólik quraldaryn saqtandyrý qyzmetterine – 10%-dan, mektepke deıingi balalar mekemesiniń qyzmetterine – 2,2%, kabeldik televızııa qyzmetterine – 1,9%, densaýlyq qyzmetterine 1,5% ósti. Internet jelisine qosylý úshin abonenttik tólem 2% joǵarylady. Qalalyq kóligimen (taksı) jol júrý aqysy 4,2% qymbattady.
Turǵyn úı-kommýnaldyq qyzmetter salasynda tarıfter qoqys shyǵarýǵa 6,2% ósti, al kárizge – 2,7%, sýyq sýǵa 1,8% tómendedi.
