Aımaqtar • 06 Mamyr, 2020

Erlik eskerýsiz qalmaıdy

16 ret kórsetildi

Qostanaı oblysynyń Beıimbet Maılın aýdanyna qarasty Áıet aýylynyń turǵyndary osydan eki aı buryn bolǵan oqıǵany áli umyta qoıǵan joq. «Ystyǵy bet qaratpaıtyn qoıý tútin ishine polıseı oılanbastan qoıyp ketpegende úı ishindegilerdiń tiri qalýy ekitalaı edi» - deıdi Jabaǵy batyr kóshesindegi jurt. 

Oqıǵa bylaı bolǵan edi, 29 qańtarda  túngi saǵat 23.30-da aýdandyq polısııa bólimine Áıet aýylynyń Jabaǵy batyr kóshesindegi jeke úılerdiń birinen órt shyqqany týraly habar túsedi. Kezekshi birden dabyl qaǵyp, tosyn oqıǵany órt sóndirýshiler men jedel járdem qyzmetine habarlaıdy. Alaıda órt shyqqan úıge birinshi bolyp polısııa qyzmetkerleri Janat Meńdiǵalıev pen Sergeı Chekın jetken edi.

- Oqıǵa ornyna kelgenimizde aýlada úı ıesi men kórshileri jıylyp tur eken. Er adam úıdiń ishinde ápkesi qalǵanyn aıtty, - deıdi ýchaskelik polısııa ınspektory Janat Meńdiǵalıev.

Sanaýly sátte qyzyl jalyn sharpyp úlgergen úıge kirý múmkin emes edi. Polısııa qyzmetkerleri órt sóndirýshiler jasaǵy kelgenshe tilsiz jaý órship ketpeý úshin terezeden qar laqtyryp arpalysqa túsedi. Kóp keshikpeı órt sóndirýshiler de jetip, jalynnyń betin qaıtarady. Biraq áli tolyq sóne qoımaǵan úı bul kezde ystyǵy syrtqa teýip tútindeýge kóshken edi. Sol sátte Janat Meńdiǵalıev tumshalaǵan tútin men bet qaryǵan ysqa qaramastan dereý úıge kiredi. Qolshamnyń kómegimen qarmanyp júrip sońǵy bólmeden  kereýette es-tússiz jatqan áıel adamdy kóredi.

- Oılanýǵa ýaqyt bolmady. Tútin basqan bólmede jatqan áıeldi kórgende mıymda «qalaıda qutqarý kerek» degen jalǵyz-aq oı boldy. Áıteýir áýpirimdep júrip syrtqa alyp shyqtym, - deıdi ýchaskelik ınspektor. Janat áıeldi kóterip syrtqa umtylǵan sátte edende búktúsip yńyrsyp jatqan taǵy bir adamdy baıqap qalady.  Áıeldi syrtta turǵan áriptesine tabystaǵan ýchaskelik ınspektor qoıý tútin basqan úıge ekinshi ret kirip, er adamdy syrtqa alyp shyǵady. Sóıtse, ol ishke ózinen keıin ile-shala kirgen  úı ıesi eken. Ákpesin qutqarmaq bolǵan er adamdy az ǵana ýaqyt ishinde ystyq uryp qulatqan.

Polıseıler jedel járdem kóligin kútpesten, 54 jastaǵy áıel men onyń 52 jastaǵy baýyryn aýdandyq aýrýhanaǵa jetkizedi. Dárigerler eki adamnyń da ýlanǵanyn habarlady.

Qańtardyń qaqaǵan aıazynda qyzyl jalynǵa oranǵan úıdiń ishinen eki birdeı adamdy aman alyp shyqqan polısııa qyzmetkeriniń erligi eskerýsiz qalǵan joq. Otan qorǵaýshylar kúni merekesi qarsańynda Ishki ister mınıstrliginiń basshylyǵy Janat Meńdiǵalıevke  «Erligi úshin» medalin tabys etti.  

- 2019 jyly Sh. Qabylbaev atyndaǵy  Qostanaı akademııasyn támamdadym. Qyzmette júrip úı bolyp, otbasyn qurdym. Taıaýda bir qýanysh bolyp qalar dep úmittenip otyrmyz. Qyzmet babynda mundaı jaǵdaılar jıi bolady. Eskerip, omyraýyma medal taǵyp jatqan basshylarǵa alǵys aıtamyn. Ásirese, ózimdi dúnıege ákelip, baǵyp-qaǵyp ósirgen ata-anama, akademııada shyńdap, tárbıelep azamat etip qalyptastyrǵan ustazdaryma alǵysym erekshe, - dedi beıbit kúnniń batyry.

 

Qostanaı oblysy

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

Uqsas jańalyqtar