Bıyl aımaqta tuńǵysh ret onlaın rejimde «Qaharman ult» aksııasy ótedi. Shara aıasynda 9 mamyr kúni saǵat 9.30-dan 12.00-ge deıin «Qazaqstan-Qostanaı», «Alaý», «Qostanaı kabeldi júıesi» telearnalary arqyly Otan soǵysynyń ardagerleri men tyl eńbekkerleriniń fotosýretteri kórsetiledi. Aksııaǵa at salysqysy keletinder maıdanger atalarynyń kólemi 3*4 sm bolatyn fotosýretiniń astyna ardagerdiń aty-jónin jazyp jiberýi kerek.
«Qaharman ult» aksııasyna qatysýshylardyń fotosýretteri búginnen bastap 9 mamyr saǵat 11.30-ǵa deıin Whatsapp 8-701-941-75-75 nómiri arqyly qabyldanady.
Sondaı-aq polısııa departamenti 9 mamyrda Jeńis saıabaǵynda tártip kúsheıtiletinin eskertedi. Bul kúni saıabaqqa shyǵyp dastarqan jaıyp, ishimdik ishken turǵyndar ákimshilik jaýapkershilikke tartylady. Polısııa zeınetker qarııalarǵa da deniniń saýlyǵyn kútip, úıde otyrýǵa keńes beredi.
Bıyl Jeńistiń 75 jyldyǵyna arnalǵan merekelik sharalar jyl boıy ótetin bolady, - dep habarlady Qostanaı oblysynyń ishki saıasat basqarmasy.
Qostanaı oblysy
