Osy sý tasqyny saldarynan Túrkistan oblysy Maqtaaral aýdanyna qarasty birneshe eldimekenge sý tasqyny jaıylyp, zardap shekti. Búgingi tańda 31 606 turǵyn 14 eldimekennen evakýasııalandy. Onyń ishinde 6 127 turǵyny bar 5 eldimekendi sý tolyǵymen basty. Bul – Jeńis, Jańa Turmys, Ferdoýsı, О́rgebas jáne Dostyq eldimekenderi.
Osy jaǵdaıdy eskerip, Qazaqstan musylmandary dinı basqarmasy Shymkent qalasynyń bas ımamy Baqdáýlet Abdrahmanov jáne qalalyq «Zeket» qory bastaǵan bir top eriktiler Maqtaaral aýdanynyń Myrzakent, Atakent, Jambyl aýyldarynda bolyp, QMDB Tóraǵasy, Bas múftı Naýryzbaı qajy Taǵanuly hazrettiń ystyq sálemin jetkizip, bolǵan jaǵdaıǵa sabyrly bolýǵa shaqyrdy.
Aıta ketý kerek, sý tasqyny bolǵan óńirge «#Maqtaaralbizbirgemiz», «Júrek jylýy» qaıyrymdylyq sharasy barysynda Shymkent qalasy ortalyq meshitiniń uıymdastrýymen 500 otbasyǵa ystyq tamaq, 2000 dana medısınalyq betperde jáne 8 tonna azyq-túlik, baqsha ónimderi taratyldy.
Atalmysh óńirge qol ushyn berip, kómek berýshilerge arnalǵan Shymkent ortalyq meshitinde qaıyrymdylyq zattardy qabyldaý, jınaý ortalyǵy ashyldy.
Shymkent
