- Bıyl da Shúlbi sý qoımasynan 14-shi sáýirden 10-shy mamyrǵa deıin sý jiberiledi. Sý jaıylýdyń jalpy kólemi 6 shaqyrymdy quraıdy,- deıdi oblystyq Jer qoınaýyn paıdalaný, qorshaǵan orta jáne sý resýrstary basqarmasynyń bastyǵy Qadyljan Sátıev
Ertis ózenine sý jiberý kezinde aýyldarǵa tasqyny qaýpi az. Degenmen de, saqtyqta qorlyq joq, qazir kúni-kúni ózen boıynda 14 gıdrologııalyq bekettiń mamandary sý deńgeıin táýlik boıy ólshep, tekserip, baqylaýda.
Al, oblystyq Tótenshe jaǵdaılar departamentiniń bastyǵy, Azamattyq qorǵaý polkovnıgi Ernur О́tegenov bastaǵan qyzmetkerler, sý mamandary Ertis ózeniniń sý basý qaýpi bar aýmaqtardy aralap, saqtyq sharalarynyń barysymen tanysýda.
Aqsý qalasy, irgeles ornalasqan kent janyndaǵy qorǵaý beketterin, dambalar tekserildi.
Sonymen birge, Ernur О́tegenov pen qala ákimi Balǵabaı Ybyraev sý basý qaýpi bar aýyl turǵyndarymen kezdesti.
Qazir qala aýmaǵyna qarasty aýyldar aınalasy jylda sýǵa tolyp ketetindikten, ınertti materıaldar toly qapshyqtar qoıylyp, sý aǵynynń deńgeıin baqylaý úshin ólsheýish syzǵyshtar da ornatylýda.
Sondaı-aq, Ertis ózenine salynǵan «Nurly jol» kópiriniń avtomobıl joly boıyndaǵy sý ótkizetin retteýish shlıýz turaqty baqylaýda.
Kenjekól aýyly, Lenın kentinin Ertis ózeniniń tasýynan saqtaıtyn qorǵanys qabattary daıyn.
PAVLODAR
