Ardagerge Elýbaı Ábilov «Nur Otan» partııasy Tóraǵasynyń Birinshi orynbasary Baýyrjan Baıbektiń atynan quttyqtaý ashyq hatyn tabystady. Ashyq hatta «Sizdi Uly Jeńistiń 75 jyldyq mereıtoıymen shyn júrekten quttyqtaımyn! Adamzat balasyna zor qasiret ákelgen surapyl soǵysqa toıtarys berip, beıbit ómirge jol ashqan ózderińizdeı ardagerlerimizdiń asqan erligi men eren eńbegi eshqashan umytylmaq emes. Jyl ótken saıyn jańǵyryp, taǵlymdy dańqy arta beredi. Erligi-ańyzǵa, ómiri – ónegege aınalǵan Sizder qandaı qurmetke bolsyn laıyqsyzdar. Elbasy, «Nur Otan» partııasy Tóraǵasy Nursultan Nazarbaev Uly Jeńistiń qaharmandary men ardagerleriniń, tyl eńbekkerleriniń qoǵamdaǵy rolin aıshyqtap, olarǵa laıyqty qurmet kórsetý kerektigin udaıy aıtyp keledi. Búgingi urpaq boıyndaǵy otansúıgishtik pen eńbekqorlyq sekildi izgi qasıetter – osynaý surapyl kezeńde el tiregi bolǵan aǵa býynnyń úlgi-ónegesi men tálim-tárbıesiniń jemisi. Sizdi dańqty merekemen quttyqtaı otyryp, otbasyńyzǵa amandyq, denińizge saýlyq, sarqylmas kúsh-qýat tileımin!» delingen.
Sonymen qatar «Nur Otan» partııasy Mańǵystaý oblystyq fılıalynyń tóraǵasy, aımaq basshysy Serikbaı Trumovtyń atynan qart maıdangerdi Jeńistiń 75 jyldyǵymen quttyqtady. Odan keıin ardagerge azyq-túlik sebeti berildi. Beıbit ómir syılaǵan ardagerlerdiń erlikterin partııa eshqashan nazardan tys qaldyrmaıdy. «Ardagerlerdi ardaqtaıyq» partııalyq jobasy aıasynda árqashanda maıdangerlerge kómek kórsetip, qamqor bolatynyn jetkizgen Elýbaı Ábilov, surapyl soǵystaǵy maıdangerdiń kórsetken jaýjúrek erlikterine búgingi urpaq bas ıetinin aıta otyryp, nurotandyqtar atynan alǵysyn bildirdi.
Nurı Týmyshev qart maıdangerdi Jeńistiń 75 jyldyǵymen quttyqtap, oblystyq máslıhat depýtattar atynan óz alǵysyn bildirdi. Mańǵystaý oblystyq qorǵanys isteri jónindegi departamentiniń basshysy, polkovnık Maqsat Tastanov mereke qarsańynda ardagerge «Uly Jeńiske 75 jyl» medali men Alǵys hat tabys etti. Serikbaı Tóletov qart maıdangerdi oblystyq ardagerler keńesiniń atynan quttyqtady.
Ardager Bısen Boqanov eldiń amandyǵyn, urpaqtardyń beıbit elde ómir súrgenin tilep, alǵysyn bildirip, aq batasyn berdi.
Qazirgi tańda Mańǵystaý óńirinde ekinshidúnıejúzilik soǵystyń 11 ardageri bar. Solardyń biri Boqaev Bısen ásker qataryna 1942 jyly shaqyrylyp, 1944 jyly 2-ýkraına maıdanyndaǵy soǵys qımyldaryna, Iаssy-Kıshınev operasııasyna, Bessarabııany jáne Rýmynııany azat etýge qatysqan. «Qyzyl Juldyz», 2-dárejeli «Otan soǵysy», «Jaýyngerlik eńbegi úshin» medalimen marapattalǵan. Búginde qart maıdanger Aqtaý qalasynda nemere-shóbereleriniń arasynda ómir keshýde.
О́ńirdegi 11 ardagerge jergilikti bıýdjetten 1 mln teńge berildi. Sonymen qatar soǵys ardagerleri men múgedekterine teńestirilgen 1946 adamǵa 40 pen 60 aılyq eseptik kórsetkish aralyǵynda jergilikti bıýdjetten áleýmettik kómek tólendi.
