Qazaqstandyq dıplomat 97 jastaǵy eńbek sińirgen ardagerge Qazaqstan Respýblıkasynyń Prezıdenti Q-J.K.Toqaevtyń Alǵys haty men «Barys» tós belgisin tabystap, oǵan rýhtyń sergektigin saqtaýdy, densaýlyq pen uzaq ómir tiledi.
Qazaqtyń dástúrli «otyrysy» barysynda N.Amanjolov dıplomattarmen óziniń áskerı erlikteri týraly estelikterimen jáne beıbitshilik ómirdegi qyzyqty oqıǵalarymen bólisti. Shyǵys Qazaqstan oblysyndaǵy Katonqaraǵaı aýdanynan maıdanǵa 18 jastaǵy bozbala bolyp attanyp, Ýkraına men Polshany azat etýge, Sandomır plasdarmyn buzýǵa, Oder ózeninen ótýge, Pragany bosatýǵa qatysty. Soǵystan keıin Karpat janyndaǵy áskerı okrýgte qyzmet etip, polkovnık ataǵymen zeınetkerlikke shyqty. I dárejeli «Otan soǵysynyń qyzyl juldyzy» jáne I dárejeli «Bogdan Hmelnıskıı» ordenderimen, sondaı-aq, 26 medalmen marapattalǵan.
Ardager óziniń sanaly ómirin Ýkraınada ótkizgenine qaramastan, óziniń Otany - Qazaqstan Respýblıkasymen tyǵyz baılanysyn saqtap qalǵanyn jáne Uly Otan soǵysynyń ardagerleri men tyl eńbekkerlerine degen memleket basshylyǵynyń qamqorlyǵyn joǵary baǵalaıtynyn atap ótti.
