Oqıǵa Chek Batken oblysynda Qyrǵyzstan men Tájikstannyń shekaralas aýdandary turǵyndary arasynda 50 sottyq Chek ýchaskesin paıdalaný máselesine qatysty týyndaǵan. Atalǵan ýchaske eki memlekettiń de qaramaǵyna kiretindigi naqty belgilenbegen. Biraq, osy ýaqytqa deıin ony qyrǵyz tarapy paıdalanyp kelgen.
Oqys oqıǵa barysynda Qyrǵyz tarapynan 30-40 adam jáne Tájikstan tarapynan 30-40 adam bir-birine tas ata bastap, sońynda ańshy myltyǵynan oq atylǵan. Janjaldyń ýshyǵyp ketýine jol bermeý úshin Qyrǵyzstannyń jáne Tájikstannyń shekara kezekshiligi áýege birneshe márte eskertý oǵyn atýǵa májbúr bolǵan.
Qyrǵyz Respýblıkasynyń Memlekettik shekara qyzmeti málimetine súıensek, oqıǵa birneshe ýaqytqa tynyshtalǵan. Eki respýblıkanyń shekaralas aýmaqtarynyń turǵyndar arasynda túsindirý jumystary júrgizilgen.
«Dese de Tájikstannyń Ulttyq qaýipsizdik memlekettik komıteti Shekara áskeriniń shekarashylary qyrǵyz shekarashylaryna jáne Qyrǵyzstan azamattaryna qarata mınometpen tosynnan oq jaýdyrdy», - delingen habarlamada.
