Al áskerı daıyndyqtan jedel ótkisi keletinder 40 kúndik aqyly negizdegi qyzmetti paıdalana alady. Byltyr 240 azamat qysqa merzimdi áskerden ótti. Bıyl elimizde tótenshe jaǵdaı rejıminiń engizilýine baılanysty kóktemgi áskerge shaqyrý ótkizilmedi.
О́ńirden áskerge attanatyn 511 sarbaz daıyndalǵan. Jalpy óńirde áskerge barý sharasy tolyq oryndalýda.
Tótenshe jaǵdaı kezinde dezınfeksııalyq sharalarǵa óńirdiń 100 sarbazy qatysty. Departament málimetinshe, óńirde aýyl-qala jastarynyń kóbi ásker qataryna barýdy azamattyq borysh, otan aldyndaǵy paryzy dep túsinedi.
Qazirgi jastar ásker qataryna barýǵa sanaly túrde sheshim qabyldaıdy. Ulttyq qaýipsizdik komıtetiniń shekara qyzmetine, Qarýly kúshter quramyna, Ishki ister mınıstrligine qarasty Ulttyq Ulan qatarynda qyzmet etýge degen qyzyǵýshylyqtary, qushtarlyqtary basym.
Áskerı bólimderdi aýmaqtyq erekshelik boıynsha jasaqtaıdy. Jasaqtalǵan soń sarbazdar Ulttyq qaýipsizdik komıtetiniń shekara qyzmetine, Qarýly kúshter quramyna, Ishki ister mınıstrligine qarasty Ulttyq Ulanǵa qyzmet etýge jiberiledi.
Áskerge shaqyrylǵandar medısınalyq tekseristen ótedi. Sottalmaǵan bolýy tıis. Sonymen qatar, áskerge shaqyrylǵanǵa deıin alǵan mamandyǵy eskeriledi.
Al Qarýly kúshter quramyndaǵy desanttyq jáne arnaıy jasaq qyzmetterine baratyndardyń boıy 180 santımetrden bıik bolýy kerek. Olar mindetti túrde sportpen shuǵyldanǵan, sonyń ishinde qoıan-qoltyq urys túrimen aınalysqan bolýy qajet.
PAVLODAR
