«Batys» óńirlik qolbasshylyǵy basqarmasy baspasóz qyzmetiniń habarlaýynsha, Atyraý garnızonynyń áskerı qyzmetshileri maıdangerler Aıdyn Aıbarov, Qurmanbaı Dosymbetov, Valentına Konopleva, Orynǵalı Qarasaev, Turash Kóptileýov, Álibek Túsibálıev jáne Zakarııa Sultanovty Jeńis kúnimen quttyqtaý úshin olardyń úılerine arnaıy bardy.
–Soǵys ardagerleri úshin Jeńis kúni –eń mańyzdy mereke. Solaı bolyp qala beredi. Olar úshin Jeńis kúnin eń jarqyn, ári eń qýanyshty merekege aınaldyrý – bizdiń mindetimiz. Bıyl maıdangerler úıiniń aldynda sherý uıymdastyrdyq. Biz maıdangerlerdiń bárimen udaıy baılanys jasap kelemiz. Garnızonnyń áskerı qyzmetshileri Otanymyzdy qorǵap, bizdiń beıbit ómirimiz ben órkendeýimiz úshin janyn aıamaǵan batyr babalarymyzdyń erligin maqtan tutady, - deıdi «Batys» óńirlik qolbasshylyǵynyń ofıseri, maıor Erlan Temiralıev.
