Osy sheshimge sáıkes mıkroqarjy uıymdary úshin kapıtalǵa qoıylatyn talaptardy arttyrý merzimderin 6 aıǵa, 2020 jyldyń 1 shildesinen 2021 jyldyń 1 qańtaryna aýystyrylady.
«Qazirgi ýaqytta mıkroqarjylyq qyzmetpen aınalysatyn jáne tótenshe jaǵdaıdyń áserinen qaryz alýshylarǵa keıinge qaldyrylǵan tólemderdi usynatyn uıymdar jumysyn toqtatty jáne ózderiniń jarǵylyq kapıtalyn ýaqtyly toltyra almaıdy. Osyǵan baılanysty joǵaryda atalǵan uıymdardyń jarǵylyq jáne jarǵylyq kapıtalyna qoıylatyn talaptardy belgileý kelesi jyldyń basyna qaldyryldy» dep túsindirdi agenttik ókilderi.
2020 jyldyń 1 qańtaryna deıin zańdy tulǵalar retinde tirkelgen, Nur-Sultan, Almaty, Shymkent nemese oblys ortalyqtarynda jumys isteıtin mıkroqarjy uıymdary úshin jarǵylyq jáne menshikti kapıtaldyń eń tómengi mólsheri 30 000 000 (otyz mıllıon) teńgeni quraıdy, basqa aımaqtarda – 10 000 000 (on mıllıon) teńge.
2020 jyldyń 1 qańtarynan keıin zańdy tulǵalar retinde tirkelgen, Nur-Sultan, Almaty, Shymkent nemese oblys ortalyqtarynda jumys isteıtin mıkroqarjy uıymdary úshin jarǵylyq jáne menshikti kapıtaldyń eń tómengi mólsheri 100 000 000 (júz mıllıon) teńgeni quraıdy, al basqa aımaqtarda – 50 000 000 (elý mıllıon) teńge.
Nur-Sultan, Almaty, Shymkent nemese oblys ortalyqtarynda jumys jasaıtyn zańdy tulǵa retinde tirkelgen nesıelik seriktestikter úshin jarǵylyq jáne menshikti kapıtaldyń eń tómengi mólsheri 10 000 000 (on mıllıon) teńgeni quraıdy, al qalǵan aımaqtarda – 5 000 000 (bes mıllıon) teńge.
2020 jyldyń 1 qańtarynan keıin zańdy tulǵa retinde tirkelgen nesıelik seriktestikter úshin (jumys ornyna qaramastan) jarǵylyq jáne menshikti kapıtaldyń eń tómengi mólsheri 50 000 000 (elý mıllıon) teńgeni quraıdy.
Basqarma qaýlysynyń jáne qaýlynyń qosymshasynyń tolyq mátini Qazaqstan Respýblıkasy Qarjy naryǵyn retteý jáne damytý agenttiginiń www.finreg.kz resmı saıtynda «Agenttik týraly zańdar» bóliminde ornalastyrylǵan.
