Bas memlekettik sanıtarlyq dárigerdiń qaýlysyna sáıkes, oblystardyń, Almaty, Nur-Sultan, Shymkent qalalarynyń ákimderi oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, eske alý is-sharalaryn ótkizýge tyıym salýy kerek. Sondaı-aq saýda-oıyn-saýyq ortalyqtarynyń, kınoteatrlardyń, teatrlardyń, kórmelerdiń jáne adamdar kóp jınalatyn basqa da obektilerdiń qyzmetine tyıym salynady. Dinı obektilerdiń qyzmeti ázirge jumys istemeıdi.
Epıdemııaǵa qarsy rejım talaptarynyń jumys rejıminiń saqtalýyna monıtorıngti jáne ákimdikter janyndaǵy mobıldi toptardyń obektilerge iriktep tekserý júrgizýi qajet. Áskerı bólimge kelgennen keıin áskerge shaqyrylýshylar PTR ádisimen SOVID-19-ǵa zerthanalyq tekserýden ótýi tıis.
Sondaı-aq qoǵamdyq oryndarǵa, ónerkásiptik aýmaqtarǵa, áýejaılarǵa, aýlalyq balalar alańdaryna jáne basqa da obektilerge sanıtarııalyq jáne dezınfeksııalyq óńdeý júrgiziledi. Oblystardyń, Almaty, Nur-Sultan, Shymkent qalalarynyń ákimderi halyq arasynda COVID-19-dyń taralýynyń profılaktıkasy boıynsha aqparattyq-túsindirý jumystaryn júrgizýdi qamtamasyz etedi.
