Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, 10 mamyrda Teńiz kenishinen 135 jumysshy Batys Qazaqstan oblysyna jol júrýi josparlanǵan eken. Atyraý oblysynyń bas memlekettik sanıtarlyq dárigeriniń jańa qaýlysyna sáıkes, Teńiz kenishinde jumys isteıtin ózge óńirdiń turǵyndary PTR-testileýden turǵylyqty mekenjaıynda ótýi tıis. Sáıkesinshe sol óńirde karantındik stasıonarǵa oqshaýlanýy qajet.
«Alaıda, keshe Teńiz kenishindegi 135 jumysshy úshin Batys Qazaqstan oblysyndaǵy karantındik stasıonarda bos orynnyń jetispeıtindigi belgili boldy. Sol sebepten, Teńiz kenishiniń basshylyǵy batysqazaqstandyq 135 jumysshyny Atyraý qalasynda eki kúnge ýaqytsha ornalastyrýǵa sheshim qabyldady. BQO-nyń karantındik stasıonarynda oryn bosaǵasyn, sol óńirge jetkiziletin bolady»,- dep habarlady óńirlik jedel shtabtan.
