Memleket basshysynyń tapsyrmasy boıynsha dárigerler men medısına qyzmetkerlerine ústeme aqy tóleý úshin Úkimetke 40 mlrd teńgege jýyq qarajat bólindi.
«Tólemderdiń jartysy tólendi. Qalǵan bóligi bıyl tamyz aıyna deıin tólenetin bolady», — dedi vıse-premer.
Sonymen qatar E. Toǵjanov jumysqa shyǵatyn ata-analarǵa qolaıly bolý úshin balabaqshalarda kezekshi toptar uıymdastyrylatynyn aıtty. Biraq sanıtarlyq normalardy saqtaý qajet bolady.
«Mysaly, balabaqshgalarda árbir topta 25-30 baladan bar. Karantın kezeńinde saqtyq sharalaryn eskere otyryp, toptardaǵy balalar sanyn 15-ke deıin ǵana jetkizý kerek. Bul rette jumys isteıtin ár ata-ananyń balalaryn balabaqshada qaldyrý múmkindigi bar ekenin atap aıtqym keledi», — dedi Premer-Mınıstrdiń orynbasary.
