«Qazaq Air» ushaqtary seısenbi, beısenbi jáne jeksenbi kúnderi saǵat 10.00-de Qostanaıǵa qonyp, saǵat 10.40-ta keri ushady. Al «FlyArystan» áýe kemeleri dúısenbi, sársenbi, juma jáne jeksenbi kúnderi saǵat 11.10-da qonyp, 11.40-ta áýege qaıta kóteriledi.
О́ńirlik jedel aqparat shtaby jolaýshylarǵa áýejaıda mynadaı sanıtarlyq-epıdemıologııalyq talaptardyń saqtalatynyn eskertedi:
- áýejaı ǵımaratyna qolynda bıleti bar jolýshylar ǵana kire alady. Shyǵaryp salýshylarǵa qatań tyıym salynǵan.
- aerovokzal ǵımaratyna kirý úshin jolaýshy mindetti túrde betperde taǵyp, qolǵap kııýi shart;
- ǵımaratqa kirer aldynda árbir jolaýshynyń dene qyzýy ólshenedi;
- sanıtarlyq-karantındik pýnkttiń mamany qyzýy kóterilip turǵan nemese jótel, entigý, demigý belgisi anyqtalǵan jolaýshyny jedel medısınalyq járdem kelgenshe aerovokzal ızolıatorynda medısınalyq tekserýden ótkizedi;
- jolaýshylar tirkeýden ótý, ushaqqa otyrǵyzý jáne túsirý kezinde qaýipsiz araqashyqtyqty saqtaýy tıis (1 metr);
- áýejaı ǵımaratyna sanıtaızer ornatylyp, ǵımarat ishi sanıtarlyq talapqa saı tazartylyp turady.
Qostanaı oblysy
