Búginge deıin oblys boıynsha 62 adamnan COVID-19 vırýsy anyqtaldy. Onyń 46-sy Jitiqarada tirkelgen. Bul jerde 28 naýqastyń emdelip shyqqanyn aıta ketken jón.
Sonymen jedel shtabtyń uıǵarymy boıynsha mynadaı mazmundaǵy sharalardy ótkizýge áli de bolsa tyıym salynady:
- Sporttyq jáne ózge de buqaralyq, otbasylyq, eske alý sharalary;
- Saýda-saýyq ortalyqtary, kınoteatrlar, kórmeler jáne t.b. adam kóp shoǵyrlanatyn buqaralyq sıpattaǵy sharalar;
- Dinı nysandardyń qyzmeti.
Sondaı-aq, oblystyq shtabtyń uıǵarymy boıynsha, eger 7 kún ishinde
COVID-19 kórsetkishi 7 paıyzdan aspaıtyn bolsa, aımaqta birtindep ruqsat sharalary engizile bastaıdy. Iаǵnı, aımaqta epıdemıologııalyq ahýalǵa taǵy bir apta monıtorıng júrgizilip, 18 mamyrda qorytyndy sheshim qabyldanady.
Osylaısha, epıdemıologııalyq ahýal eskerilip jáne sanıtarlyq tártip saqtala otyryp, mynadaı ruqsat sharalary engizilýi múmkin:
- úıden shyǵyp, erkin serýendeýge (2 nemese odan kóp adamdar mindetti túrde maska taǵýy tıis);
- saıabaqqa, alańǵa barýǵa (3 adamnan artyq birge júrmeý kerek);
- saǵat 10:00 men 17:00 aralyǵynda aýdany 2 myń sh/metrge deıingi azyq-túlik bazarlary men kıim-keshek, t.b. zattardy satatyn saýda oryndarynyń jumysyna;
- Sulýlyq salondarynyń jumysyna (klıentter maskamen kirýi tiıs jáne aldyn ala tirkelýi kerek);
- Sport nysandarynyń jumysy (30 adamǵa deıin jattyǵý oıyndaryn ótkizýge);
- Mádenıet nysandarynyń jumysy (30 adamǵa deıin)
- Halyqqa qyzmet kórsetý nysandarynyń jumysy: baspahanalar, tigin sehtary, aıaq kıim jóndeý oryndary;
- qonaq úıler, demalys úıleri, týrıstik bazalar jáne t.b.
- Balalarǵa arnalǵan bilim ortalyqtary men úıirme jumystary;
- Qoǵamdyq kólik qozǵalysy. (Kólik qozǵalysyna 07:00-den 19.00-ge deıin ruqsat berilýi múmkin. Mundaı jaǵdaıda sanıtarlyq-dezınfeksııalyq talap qatań saqtalyp, kólik júrgizýshisi dárigerdiń baqyldaýynda bolady. Al jolaýshylarǵa qolma-qol esep aıyrysýǵa tyıym salynady.
Alaıda bul jeńildikterdiń Jitiqara aýdanyna qatysy joq. Jitiqarada karantın rejimi 25 mamyrǵa deıin saqtalady.
Qostanaı oblysy
