Bul rette Taraz qalasy ákimdiginiń bastamasymen jáne kásipkerlerdiń qoldaýymen karantın kezinde kópshilikke azyq-túlik taratylyp, turǵyndar qajetti taýarlarmen qamtyldy. Sonymen qatar, myńdaǵan medısınalyq maskalar tegin taratyldy.
Kópshilikti koronavırýs indetinen qorǵaý jumysyna tarazdyq qyz-kelinshekter de ózindik úlesin qosqan bolatyn. Tarazdyq 30 qyz-kelinshek medısınalyq maska tigýge tegin atsalysyp, nátıjesinde 10 myńǵa jýyq betperde tigildi. Olar turǵyndardyń qaýipsizdigin saqtaý maqsatynda tegin taratylyp berilgen edi. Búgin Taraz qalasynyń ákimi Aıtqazy Qarabalaev qalanyń qoǵamdyq ómirine belsene aralasyp, tótenshe jaǵdaı kezinde tegin medısınalyq maska tigýge atsalysqan qyz-kelinshekterge alǵys bildirdi. Shahar basshysynyń Alǵys hatyn qalalyq ishki saıasat bóliminiń basshysy Ulana Slambekova árbir qyz-kelinshektiń úıine baryp, tabystady. Al, tarazdyq názikjandylar qala ákimine rızashylyǵyn bildire kelip, osyndaı qıyn kezeńde kópshilikke qoldan kelgen kómegin berý árbir azamattyń boryshy ekenin jetkizdi.
Jambyl oblysy
