Jumyspen qamtý ortalyqtarynyń jańa formaty

Elimizdiń barlyq aımaqtarynan jumyspen qamtý ortalyqtarynyń 1500 qyzmetkeri trenıngterge qaty­syp, qashyqtan oqýdan ótti. Dáristerde ju­myssyzdarmen jekeleı jumys isteý ádisteri, jumyssyz azamattardyń turaq­­ty jumysqa ornalasqanǵa deıin kómek kór­setý máseleleri qaras­ty­ryl­dy. Son­daı-aq jumys izdegen aza­mat­tardy kási­bı baǵdarlaý, kásibı aq­­parattandyrý jáne keńes berý ádis­te­melerine erekshe nazar aýdaryldy.

Jumyspen qamtý ortalyqtarynyń qyzmetkerleri jumys berýshilermen tyǵyz yntymaqtastyqty ornatý jáne qoldaý tetikterin, bos jumys oryn­dary­­nyń beıinin qalyptastyrý jáne úmit­kerdiń jumys berýshiniń talaptaryna sáıkestigin baǵalaý ádisterin zerdeledi.

Jumyspen qamtý ortalyqtary eń­bek naryǵyndaǵy jaǵdaı boıynsha jáne óńirlerde eńbek resýrstaryn bólýge qatysty aqparat kózi bolýǵa tıis. Osy maqsatta semınarlarda eń­bek naryǵyn qysqa merzimdi boljaý jáne monıtorıng jasaý ádisteri men algorıtmderi keńinen oqytyldy.

«Jumyspen qamtý qyzmetin reformalaý aıasynda qazirgi zamanǵy jumys ádisterin tıimdi qoldaný úshin basshydan bastap, qatardaǵy menedjerlerge «jańa bilim men daǵdy» qajet. Qyzmetkerlerdi kásibı daıar­laý men baǵdarlaý qajettiligi, ásire­se qazir ózgermeli eńbek naryǵy jaǵ­daıynda ósti», dep atap ótti «Eńbek re­sýrs­taryn damytý ortalyǵy» AQ Jumyspen qamtý qyzmetin damytý departamentiniń dırektory Irına Rýbashına.

Jumyspen qamtý ortalyqtarynyń basshylary da qashyqtan oqytý formatynda ortalyqtaǵy ózgeristerdi tıimdi basqarý jáne túrli qıyndyqtardan shyǵý joldaryn tabýǵa kómektesetin túrli tehnologııalar men quraldardy oqydy. Al ortalyqtardyń qyzmet­kerleri derbes izdeý, baǵalaý, irikteý, joǵarylatý jáne qaıta daıarlaý ádis­terin zerttedi.

«Jumyspen qamtý ortalyqtarynyń qyzmetkerlerin daıarlaý turaqty ne­giz­de júrgizilýi tıis, sondyqtan oqy­­týdyń keshendi júıesin ázirleý qajet. Oqytý kásibı jáne jeke daǵdy­lar­dy damytýǵa baǵyttalyp, ártúrli for­mat­tarda júr­gizilýi tıis. Osyndaı for­matt­ardyń biri – Jumyspen qamtý orta­­lyǵy bazasynda ishki oqytýlardy júr­gizý»  dep atap ótti Irına Rýba­shına.

Joba aıasynda ishki oqytýshylardy daıarlaý úshin ár oblystan jumyspen qamtý ortalyǵynyń qyzmetkerleri iriktelip alyndy. Bolashaq jattyq­tyrýshylar trenıngterdi ótkizý jos­parlary men ádisterin, tyńdaýshylar úshin tájirıbelik tapsyrmalardy jáne prezentasııalardy daıyndaý, trenıngterge qatysýshylardy oqytý úderisine belsendi tartý úshin jaǵdaı jasaý týraly jáne taǵy basqa bazalyq bilim aldy.

Eńbek jáne halyqty áleýmettik qorǵaý mınıstrligi men jergilikti at­qarýshy organdary halyqty jumys­pen qamtý ortalyqtary qyzmetiniń «jańa modelin» kezeń-kezeńimen engizýdi josparlap otyr. Jaqyn bolashaqta atal­ǵan ortalyqtar jumyspen qam­tý táýekelderine qatysty jedel jáne bel­sendi áreket etetin, azamat­tar­dyń kásibı áleýetin iske asyrý­ǵa jár­demdesetin jáne jumys berýshi­ler­diń kadr resýrstaryna qajettiligin qana­ǵattandyratyn zamanaýı ortalyq­tar bolady.

Eske salsaq, «Eńbek daǵdylaryn damytý jáne jumys oryndaryn yntalandyrý» jobasyn Eńbek jáne halyqty áleýmettik qorǵaý mınıstrligi men Dúnıejúzilik bank júzege asyrady.