Saıasat • 12 Mamyr, 2020

Eńbek pen erlik eleýsiz qalmaıdy

15 ret kórsetildi

Jeńis kúni qarsańynda Prezıdenttiń «Ardagerler týraly» Zańǵa qol qoıýy ıgi qadam boldy. Osy ýaqytqa deıin qoǵamda Chernobyl apaty zardabyn joıýǵa qatysqandar týraly az aıtylǵan joq. Sondyqtan da osy zań jobasy talqylanǵan sátte chernobylshiler uıymdarynyń bastamasymen birneshe másele kóterildi. «Ardagerler týraly» jańa Zańǵa sol usynystarymyzdyń deni engendigi qýantady.

1995 jyly qabyldanǵan Zańda Chernobyl apaty zardabyn joıýshylardy áleýmettik qoldaý týraly qarastyrylǵan edi. Biraq ol eki jyldan keıin toqtap qaldy da, biz zańy joq, máselesi kóp uıymǵa aınalyp shyǵa kelgenbiz. Atom zardaby oıynshyq emes, ony joıý­ǵa qatysqandardyń kópshi­ligi ómirden tym erte ketti. Qazir qatarda júrgenderdi de syrqat meńdegen. Osylaı bola tursa da keıde máselemizdi kimge aıtarymyzdy bilmeı daǵdarǵan kezimiz de este. Son­dyqtan da jańa Zańnyń qa­byldanýy osy saladaǵy bar­lyq quqyqtyq ári áleýmet­tik kemshilikterdiń ornyn toltyrdy desek te bolady.

Jańa Zań boıynsha biz soǵys ardagerlerimen teńes­tiril­dik. Soǵan sáıkes jeńil­dikter men kómekter belgi­lengen. Bul jerde eskere kete­tin bir másele, atom zardabyn joıýǵa qatysqan azamattardyń deni jumys istemeıdi. Kezinde zııandy sáýle kesirinen kóp­shi­ligi múgedektikke shyqqan. Bir zeınetaqydan basqa tabysy joq. Sondyqtan da arnaýly memlekettik járdemaqynyń óskeni kádimgideı kómek.

Bul Zańnan ardagerlerdiń jańa sanattary qalyptas­ty­rylǵanyn kóremiz. Otan so­ǵy­sy, Aýǵanstan soǵysy arda­ger­­­lerimen qatar Tájik­stan­da­ǵy, Taýly Qarabahtaǵy qaq­tyǵys­tarǵa qatysqandar da Zań aıasynda áleýmettik qoldaýǵa ıe bolyp otyr. Bul bizdiń qoǵam­da ardager eńbeginiń eleýsiz qalmaı­­tyndyǵyn kórsetedi. 

 

Jumabek ShAHATOV,

Qyzylorda qalalyq «Chernobyl» qoǵamdyq birlestiginiń tóraǵasy

 

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar