«Aǵymdaǵy jylǵy 10 sáýirde OPEK+ munaı óndirisin kúnine 9,7 mln barrelge qysqartý týraly kelisimge keldi. Bastapqyda OPEK+ kelisimi munaı qorynyń ulǵaıýy jáne shıkizatqa degen suranystyń barynsha qatty tómendeýinen qaýiptený aıasynda shıkizat naryǵyndaǵy ahýaldy jaqsarta alǵan joq. Sonyń saldarynan Brent markaly munaıdyń baǵasy aǵymdaǵy jylǵy 22 sáýirdegi saýda-sattyq barysynda bir barrel úshin $15,98 bolǵan eń tómen belgige deıin tómendedi. Sáýirdiń sońynda munaıǵa baǵa belgileý tómendeýdi qaıtara otyryp, bir barrel úshin $25,27 AQSh dollaryna jetti», — dedi E. Dosaev.
Munaıǵa baǵanyń jáne álemdik suranystyń tómendeýi, sondaı-aq tótenshe jaǵdaı rejımi men karantınniń engizilýi Qazaqstandaǵy ekonomıkalyq belsendilik kórsetkishterine áser etti. QR UEM Statıstıka komıtetiniń aldyn-ala baǵalaýy boıynsha aǵymdaǵy jylǵy 4 aıda eń kóp tómendeýdi kólik jáne saýda sııaqty servıstik salalar kórsetti.
Osynyń aıasynda aǵymdaǵy jylǵy sáýirdiń basynda iskerlik belsendilikti qoldaý jáne ekonomıkany kredıtteý úshin barynsha qolaıly jaǵdaı jasaý maqsatynda Ulttyq bank aǵymdaǵy jylǵy 6 sáýirden bastap bazalyq stavkany +/- 2 p.t. dálizimen 9,5%-ke deıin tómendetti, al aǵymdaǵy jylǵy 27 sáýirde bazalyq stavkany sol deńgeıde saqtap qaldy.
Ulttyq banktiń baǵalaýy boıynsha, álemdik shıkizat naryqtaryndaǵy ahýaldyń oń damýy jáne syrtqy jaǵdaılardyń jaqsarýy kezinde ınflıasııa dálizi aǵymdaǵy jyly munaı baǵasynyń bir barrel úshin $35-40 deıin ósýi kezinde 6-8% bolýy múmkin.
E. Dosaevtyń aıtýynsha, ekonomıkany qoldaý sheńberinde daǵdarysqa qarsy sharalardy iske asyrý jalǵasýda.
1. Ekonomıkanyń basym salalaryn jeńildikpen kredıtteý baǵdarlamasy boıynsha aǵymdaǵy jylǵy 30 sáýirdegi jaǵdaı boıynsha bankter jalpy somasy 437,9 mlrd teńgege 650 ótinim qabyldady, 308,6 mlrd teńge somasyna 499 joba maquldady, 158,3 mlrd teńge somasyna 382 qaryz berdi.
2. Tótenshe jaǵdaıdyń engizilýinen zardap shekken ShOB sýbektilerin jáne jeke kásipkerlerdi jeńildikpen kredıtteý baǵdarlamasy boıynsha kásipkerler 1 403 ótinim berdi, 79,1 mlrd teńge somasyna 397 qaryz berildi.
3. «7-20-25» baǵdarlamasy boıynsha aǵymdaǵy jylǵy 6 mamyrda 200,2 mlrd teńgege 17 430 ótinim maquldandy, onyń 175,2 mlrd teńge somasyna 14 812 qaryz berildi. «Baspana Hıt» naryqtyq ıpotekalyq baǵdarlamasy boıynsha 187,8 mlrd teńge somasyna 23 144 qaryz berildi.
«7-20-25» baǵdarlamasymen qamtý aıasyn keńeıtý maqsatynda Qaraǵandy qalasynda satyp alynatyn turǵyn úıdiń eń joǵary qunyna lımıt 15 mln teńgeden 20 mln teńgege deıin ulǵaıdy.
