«Osy jyldyń 4 aıynyń qorytyndysy boıynsha ekonomıka 0,2 paıyzǵa tómendedi. Buǵan sebep karantındik shekteýler boldy. Ásirese qyzmetter kórsetý sektorynyń belsendiligi karantın kezindegi eki aıda tómendedi. Saýda men kólik salalary boıynsha sáýir aıynyń kórsetkishteri naýryz aıymen salystyrǵanda 30 paıyzǵa tómendedi», dedi Asqar Mamın.
Onyń aıtýynsha, ótken 4 aıda ekonomıkanyń bazalyq salalarynda oń dınamıka saqtalǵan.
«О́ńdeý ónerkásibinde ósim 7 paıyzdy, taý-ken ónerkásibinde 6 paıyz, qurylysta 5,5 paıyzdy qurady. Sondaı-aq mashına jasaýda ósýdiń joǵary qarqyny (25,4 paıyz) saqtaldy. Jeńil ónerkásiptegi ósim 13,9%-dy, farmasevtıkada – 24,2%-dy, sondaı-aq baılanys qyzmetterinde – 9,6%-dy, aýyl sharýashylyǵynda – 2,2%-dy qurady. Negizgi kapıtalǵa salynǵan ınvestısııalar 0,9%-ǵa ósti. Altyn-valıýta qory 30,5 mlrd dollar, Ulttyq qor aktıvteri 58,5 mlrd dollardy qurady. Elimizde tótenshe jaǵdaıdyń aıaqtalýy jáne karantındik sharalardyń jeńildetilýine baılanysty qyzmet kórsetý sektory qalpyna keltirile bastaýy tıis», - dedi Úkimet basshysy.
