Dezınfeksııalyq jumystar burynǵydaı júrgiziledi. Avtobýs júrgizýshileri barlyq qaýipsizdik sharalaryn saqtaıdy: betperde, qolǵap kıip, antıseptıkterdi qoldanady. Sol sharalardy jolaýshylar da saqtaý qajet.
Elordada jolaýshylardy jáne júkti avtomobıl kóligimen tasymaldaý erejesine sáıkes, avtobýstarda jolaýshylardy otyrǵyzý aldyńǵy esik arqyly, al túsirý qalǵan eki esik arqyly júrgiziledi. Sondaı-aq júrgizýshiler bılet satýdy ýaqytsha toqtatady. Jol júrý úshin kólik kartalaryn jáne jolaqysyn tóleýdiń balama tásilderin qoldanýǵa bolady. Olar SMS, QR-kod jáne mobıldi qosymshalar. Karantın engizilgenge deıin qolma-qol aqshasyz tólem úlesi 98% - dy qurady.
Búgingi kúni elorda qoǵamdyq kóliginde SMS jáne QR arqyly tólem jasaýdyń kelesi múmkindikteri bar: QR-kod nemese kodty terý arqyly tóleý úshin: kaspi.kz, Homebank, SMSBUS, Rahmet, AstraBus, My Beeline, SENIM, Plus24, My Activ, OYBY. Telefon teńgerimi arqyly SMS-pen tólem jasaý úshin (2505 nómirine habarlama jiberý): Activ/Kcell, Beeline, Tele2, Altel abonentteri úshin qoljetimdi.
Karantın kezinde satyp alynǵan aılyq jol júrý tarıfteri paıdalanýshylardyń kólik kartalaryna qaıta júkteledi. Osylaısha, sáýir aıyndaǵy jol júrý mamyr aıyna aýystyrylady. Aılyq jol júrý 12 mamyrdan 11 maýsymǵa deıin jaramdy bolady.
Eske sala keteıik, 28 naýryzdan bastap qosymsha tarıfter iske qosyldy. Elorda qoǵamdyq kóliginde 18 jasqa deıingi balalar kólik kartasy bar bolǵan jaǵdaıda tegin júre alady.
