– Búginde artta qalǵan asa kúrdeli kezeńde polısııa men dárigerler kúsheıtilgen jumys tártibine kóship, turǵyndardyń qaýipsizdigin qamtamasyz etti. Oblys aýmaǵynda qoıylǵan 26 tosqaýyl beketinde 500 polıseı kún-tún demeı qoǵamdyq tártip kúzetinde turdy. Osynaý syndarly sátte eriktiler polısııaǵa qol ushyn sozyp, moraldyq jáne materıaldyq kómek kórsetti. Olar tosqaýyl beketterine azyq-túlik, medısınalyq maska jetkizip turdy.
Máselen, kásipker Evgenıı Gýrskıı tártip saqshylaryna 50 qorǵanysh kostıýmin jáne 500 jup qolǵap tartý etti. Al «Janashyr bol» qoǵamdyq qorynyń ókili Aleksandra Serǵazınova karantınge jabylǵan úı kúzetinde turǵan 12 polıseıdi túski aspen qamtamasyz etti. Jeke kásipkerler Baqtııar Abdýllın men Janat Jumaǵalıev tosqaýyl beketterine apta saıyn as jetkizip turdy.
Jangeldi aýdanyna qarasty Toqanaı aýylynda turatyn zeınetker Qamaı Qaparovtyń qaıyrymdy isi ereshe atap ótýge laıyq. Zeınetker kún saıyn aýyldan 90 shaqyrym jerdegi tosqaýyl beketine qatynap, kúzette turǵan tártip saqshylaryna as-sý jetkizip turdy.
Qoǵam ómirine beıjaı qaramaı, kúrdeli kezeńde azamattyq belsendilik tanytyp, bizge qoldaý kórsekenderińiz úshin sizderge alǵys bildiremin, - dedi departament basshysy.
Qostanaı oblysy
