- Sizderdi Halyqaralyq medbıkeler kúnimen quttyqtaımyn! О́zim de jumysty Almatydaǵy Ortalyq qalalyq klınıkalyq aýrýhanada jáne Jedel medısınalyq kómek aýrýhanasynda meıirger bolyp bastadym, sondyqtan, táýligine 24 saǵat kezekshilikke túskende tózim men shydamdylyqtyń asa qajet ekenin men óz tájirıbemnen jaqsy bilemin. Túrli prosedýra jasaısyń, naýqastarǵa dári egý, jan saqtaý bólmesindegi jaǵdaıy aýyr pasıentterdi túnimen kúzetý qajet, mundaıda adamda «mindetimdi sátti atqarsam» degen oı ǵana bolady. Sizder atqaryp otyrǵan jumys - qaıyrymdylyq, meıirimdilik pen gýmanızmge negizdelgen. Bul qasıetter medısınalyq aq halat kıgen árbir mamanǵa úlken jaýapkershilik júkteıdi, - dep jazdy mınıstr.
Sondaı-aq ol medbıkelerdiń densaýlyq saqtaý júıesinde ómirlik mańyzdy qyzmet atqaratynyn jazǵan.
- Kóbińiz osy mamandyqqa ábden beıimdelip aldyńyz, tipti, kómekke muqtaj adamdarǵa shynaıy qyzmet etý – ómir súrý saltyna aınaldy. Jalpy, naýqasty emdeý isinde meıirbıkelerdiń eńbegi óte mańyzdy. Medbıkeler adam densaýlyǵyna qaýip tóndiretin epıdemııa, pandemııamen kúreste de aldyńǵy qatarda turdy. Búkil álemdegi medbıkeler COVID-19 qasqaıyp qarsy shyqty. Elimizdegi meıirbıkeler men meıirgerlerge mınıstrliktiń atynan alǵys bildiremin. О́z isterińzge degen adaldyq pen pasıentterge degen qaıyrymǵa, meıirimge toly qarym-qatynastaryńyz úshin kóp raqmet! Sizderge zor densaýlyq, otbasylaryńyzǵa amandyq jáne sáttilik tileımin! - delingen quttyqtaýda.
