Qazaqstan • 12 Mamyr, 2020

Qazaqstan TMD elderi SIM basshylarynyń keńesine qatysty

386 ret

kórsetildi

1 mın

oqý úshin

Táýelsiz Memleketter Dostastyǵy Syrtqy ister mınıstrleriniń beınekonferensııa formatynda keńesiniń kezekti otyrysy ótti. Bul is-sharaǵa Qazaqstannyń Syrtqy ister mınıstri Muhtar Tileýberdi qatysty. Bul týraly Syrtqy ister mınıstrliginiń baspasóz qyzmeti habarlady.

Egemen Qazaqstan

Qazaqstan TMD elderi SIM basshylarynyń keńesine qatysty

Is-shara barysynda TMD-ǵa qatysýshy-memleketterdiń syrtqy saıası vedomstvolarynyń basshylary halyqaralyq jáne óńirlik kún tártibindegi keń aýqymdy máselelerdi talqylady. COVID-19 koronavırýsynyń taralý saldaryna qarsy áreket etý máselelerine erekshe nazar aýdardy.

Taraptar qatysýshy-memleketterdiń qaýipsizdik pen gýmanıtarlyq yntymaqtastyq salasyndaǵy ózara is-qımylyn odan ári nyǵaıtýǵa yqpal etetin birqatar mańyzdy sheshimderdi kelisti. Otyrys qorytyndysy boıynsha 2020 jylǵa TMD sheńberinde kóp deńgeıli SIM-aralyq konsýltasııalar jospary bekitildi.

Sondaı-aq TMD-ǵa qatysýshy-memleketterdiń qorǵanys, qaýipsizdik, mádenıet, sport, bilim jáne jastar yntymaqtastyǵy salasyndaǵy halyqaralyq sharttar men sheshimderdiń jobalary maquldandy.