Volonterlerdi qoldaý ortalyǵy ashyldy

Uıymdastyrýshylar ortalyq tarıhı-mádenı murany saqtaý, nasıhattaý salasynda volonterlermen jumys isteý, volonterlerdiń basyn qosyp, sheberlik saǵattaryn ótkizýdi maqsat etetinin aıtty. Ortalyqtyń jumysy halyq arasynda volonterlik qozǵalysty damytýǵa da keńinen jol ash­paq. «Jambyl oblysynyń tarı­hı-mádenı muralaryna qyzyǵý­shylyq tanytatyn volonterler ortalyqqa kelip, aqyl-keńeske júgine alady», deıdi uıym qyz­met­kerleri.

Atalǵan ortalyqta volonterlerge arnalǵan semınar-trenıngter, oqý kýrstary jıi ótkizilmek. Onda aımaq jastary ózin-ózi damytýǵa, biliktilikti arttyrýǵa múmkindik alady. Volonterlermen jumys isteýde tájirıbesi mol maman Aıjan Alebaeva ortalyq basshysy bolyp taǵaıyndaldy.

Uıymnyń jumys baǵyt­ta­ry belgili. Basshynyń sózi­ne súıen­sek, volonterler arheolo­gııa­lyq-qazba jumystary, resta­vra­sııalyq jumystar, týrızm baǵy­tyndaǵy gıd volonterler, mádenı nysandarǵa monıtorıng júrgizý baǵyttary boıynsha daıarlanady.

Aldaǵy ýaqytta dál osyndaı ortalyqtardy Túrkistan, Qaraǵandy oblystarynda da ashý josparlanǵan. Bul bastama «Jas Ulan» biryńǵaı balalar men jasóspirimder uıymy» RQB, Aqparat jáne qoǵamdyq damý mınıstrligi, «Azamattyq bastamalardy qoldaý ortalyǵy» KeAQ qoldaýymen júzege asyryldy.