Qashanda qurmetke laıyq

Iаǵnı osy býyn ókilderi densaýlyq saqtaý salasynyń alǵa jyljýyna úlken úles qosyp, otandyq densaýlyq saqtaýdaǵy eń jaqsy dástúrlerdi joǵaltpaı, álem­dik tájirıbeni ıgerip, ózderiniń kúnde­likti tájirıbesinde medısınalyq kómek kór­setý sapasyn arttyra otyryp, meıir­bıke­lik kútimdi jetildirý jáne densaý­lyq saqtaý júıesinde shyǵyndardy tómen­detý baǵyty boıynsha aıtarlyqtaı eńbek etip keledi. Meıirbıke tek qana dáriger buı­ryǵyn oryndaýshy ǵana emes, ol oı­shyl, únemi izdeniste júretin shyǵar­ma­shyl tulǵa. Onyń negizgi maqsaty – adam densaýlyǵy men qorshaǵan ortany qorǵaý qajettigin qanaǵattandyrýǵa negizdeledi. Iаǵnı bir sózben aıtqanda, emde­lý­shiniń kútimin uıymdastyrýshy, kútimin oryndaýshy, emdelýshiniń yqy­lasyn qorǵaýshy, keńesshi, zertteýshi, me­dı­­sı­nalyq toptyń belsendi múshesi. En­de­she naýqastarǵa psıhologııalyq tur­ǵy­dan demeýshilik kórsetip, meıirim­di­lik tany­typ júrgen aq jeleńdi abzal jan­dar­­dyń jan-jaqtylyǵy búgingi ýaqyt talaby.

Sondaı-aq meıirbıke óz qyzmeti barysynda uıymdastyrýshylyq, ǵylymı-zertteýshilik, oqytýshylyq mindetter sııaqty qaǵıdattardy basshylyqqa ala otyryp jumys isteıdi. Halyq densaýlyǵyn jaqsartý, medısınalyq qyzmet sapasyn arttyrý, halyqty qoljetimdi medısınamen qamtamasyz etý, medısınalyq alǵashqy járdemdi jetildirý, ana men bala densaýlyǵyn qorǵaý, aýrýdyń aldyn alý baǵytyndaǵy skrınıngtik tekserýler, turǵyndardy salaýatty ómir saltyna baýlý, basqa da qanshama sharalardyń júzege asyrylýynda meıirbıkeler júredi. Sondyqtan naýqasty qabyldaǵannan bas­tap, ony emdeý barysyndaǵy barlyq kúıbeń tirshiliktiń bel ortasynda júre­tin meıirbıkeler eńbegi qoǵam aldynda qashanda baǵalana bermek.

Áriptesterimniń biliktilikteri týraly aıtar bolsam, 105 meıirbıke joǵary sanatty, 27-si birinshi, 6-ýy ekinshi sanatty mamandar. Endi orta býyn medısına qyzmetkerleriniń kásibı biliktiligin arttyrý, sheberligin shyńdaý, bilimin jetil­dirý baǵytynda da kóptegen jumystar atqa­ry­lyp jatyr. Memleket tarapynan me­dı­sınasy damyǵan elderge baryp tájirıbe jınaqtap, jumysymyz­dy jetil­dirip jatqan jaıymyz bar. Sonymen qatar meıirbıkelerimiz óńirlik oqý ort­alyq­tarynda bilikti mamandardan dáris alyp, bilimderin jetildirý ústin­de. Bul jumystar aldaǵy ýaqytta da jalǵasyn taba bermek. Taǵy bir aıtary, res­pýb­lıkalyq, oblystyq emdeý ortalyq­tarynan bilikti mamandar aýdanymyzǵa kelip, túrli taqyryptarda sheberlik synyptaryn ótkizýde.

Aýdanymyzdyń densaýlyq saqtaý salasynda talaı jyl tapjylmaı ter tógip, eńbegimen eldiń ystyq yqylasyna bólengen ardaqty meıirbıkelerimiz, sala ardagerleri de az emes. Aldyńǵy tolqyn apalarymyzdyń ulaǵatty isteri men ónegeli eńbek joldary keıingi tolqynǵa úlgi bolary sózsiz. Jalpy alǵanda meıir­gerlik kásip nemese meıirbıke isi densaý­lyq saqtaý júıesiniń bólinbes bólshegi.

Iá, ómirge sán berip, tirshilikke nár berip, qaltqysyz qyzmetin usynyp, meıi­rim­­dilik pen jylylyqtyń sımvolyna aına­lyp, ıgilikti mamandyq ıesi atan­ǵan meıirger isi – qashanda syı-qurmet­ke laıyq. О́ıtkeni turǵyndarǵa medısına­lyq kómek kórsetýdiń tıimdiligi kóp jaǵ­daı­da meıirger jumysyna tikeleı baılanysty.

Madına MAHANQYZY,

Sozaq aýdandyq ortalyq aýrýhanasynyń bas meıirbıkesi

Túrkistan oblysy