Sýretterdi túsirgen: Erbol Temirov
Sondyqtan Aqsý qalasynyń shetindegi úılerdiń baqshalary, sharýashylyq jaılary sý ishinde qaldy.
Sondaı-aq bul úılerdiń tómen deńgeıli aýmaqta salynýy da sýdyń kelýine bir sebep.
Aǵyn sý osy aýmaqtaǵy erigen qar sýynan qorǵap turǵan bóget-dambanyń astynan ótken. Sýdyń deńgeıi 5-10 santımetr.
Qazir qalalyq Tótenshe jaǵdaılar bóliminiń jáne jergilikti ákimdik jedel áreketter júrgizýde.
Buǵan deıin aldyn-ala sý basý qaýpi bar úılerdi ınertti materıaldar toltyrylǵan qapshyqtarmen qorshap, sý deńgeıin baqylaıtyn arnaıy ólsheý syzyqtaryn ornatylǵan.
Sonymen birge «Dosýgservıs» kommýnaldyq kásipornynyń eki motopompasy, eki traktor jáne alty qyzmetkeri sý sorý jumystaryna kiristi. Málimet boıynsha, baqsha aýmaqtarynan 3500 sharshy metr sý tartylǵan.
Al, qazir Shúlbi sýqoımasynan josparly sý jiberý kezeńi aıaqtalyp keledi. Iаǵnı, Ertis ózeniniń arnasyndaǵy sý deńgeıi de tómendeı bastaıdy degen sóz.
Pavlodar oblysy
