Elordada sý nysandaryn tizimdeý jumystary júrip, nátıjesinde júzýge arnalǵan 23 oryn anyqtaldy.
Onyń ishinde Ortalyq jaǵajaı, «Trı peskarıa» jáne «Stolıchnyı dvor» demalys aımaqtaryna ruqsat etildi. «Almaty-3, Baıqońyr-1, Esil-3, Saryarqa-3 aýdandaryndaǵy on ýchaskede qosymsha tegin jaǵajaı ashý týraly usynys jasaldy. Bul sý aımaqtaryndaǵy qarbalasty aıtarlyqtaı azaıtady», - delingen Nur-Sultan qalalyq tótenshe jaǵdaılar departamentiniń habarlamasynda.
Sondaı-aq taǵy on ýchaskede sý deńgeıiniń tómendigi, kiretin joldardyń bolmaýy, qalyń toǵaıly ári qamysy bolýy saldarynan jaǵajaı ashý qolaısyz dep tanyldy.
«Oqys oqıǵalardyń aldyn alý úshin ruqsat etilmegen jerlerge tyıym salý tańbalary men qalqyma belgiler qoıylady. О́zenniń tómengi bóligi shomylý oryndary retinde tekserilip, qaýipti ýchaskeler qorshalady jáne patrýldik polısııa kún saıyn kúzetedi», – deıdi TJD.
Mamandardyń aıtýynsha, jyl saıyn ruqsat etilmegen shomylý oryndarynyń sany kóbeıý tendensııasy baıqalady (2017 jyly – 10, 2018 jyly – 12, 2019 jyly – 20). Onyń negizgi sebebi ruqsat etilgen qalalyq jaǵajaılardyń sany men qashyqtyǵyna jáne qalanyń sý aımaǵy boıynda jańa aýdandar men kópqabatty úılerdiń salynýyna, halyq sanynyń artýyna baılanysty.
Osyǵan baılanysty Nur-sultan qalalyq máslıhatynyń tyıym salynǵan shomylý oryndaryn jáne olarǵa qoıylatyn talaptardy anyqtaý týraly sheshimine tolyqtyrýlar engizildi. Budan basqa, aldaǵy jaǵajaı maýsymyna 90 «Shomylýǵa tyıym salynady» belgisi jáne qala sý aıdyndarynda adamdardyń qaza bolýy statıstıkasy bar 25 aqparattyq stend ornatylady.
Sondaı-aq Departamenttiń «О́S jáne AQJQ» MM, «JQJ» bólimsheleri 20 qalqyma belgi ornatyp, sýǵa shomylý oryndarynda ózen túbin zertteý jáne qaýipti ýchaskelerge qorshaý júrgizedi. Jazǵy jaǵajaı maýsymy profılaktıkalyq is-sharalardy ótkizýge, sondaı-aq balalardy júzýge, ózin-ózi qutqarýǵa jáne alǵashqy medısınalyq kómek kórsetýge oqytýdy uıymdastyrý úshin AÁD jáne dene shynyqtyrý qatarynan oqytýshylar quramyn tartýǵa erekshe nazar aýdarylatyn bolady. Bul jumysty departament qyzmetkerleri bekitilgen josparǵa sáıkes turaqty túrde júrgizedi.
