2020 jyldyń naýryz aıynda Qazaqstan Respýblıkasynyń aýmaǵynda qolma-qol aqshasyz tólemder kólemi 16% ósip, 2146,7 mlrd teńge boldy.
«Sonymen qatar, ótken jyldyń sáıkes kezeńimen salystyrǵanda aıtarlyqtaı ósý baıqaldy – 777,2 mlrd teńgeden 2,8 ese kóp» dep habarlady Qazaqstan qarjygerleriniń qaýymdastyǵy (QQQ) búgin ótken vebınar jıynda.
Naýryzda qolma-qol aqshasyz tólemder kólemi karantındik jáne oqshaýlanǵan rejım engizilgenge deıin qajetti taýarlar men dári-dármekterdi satyp alý, baǵanyń ósýin kútken basqa ımporttalatyn taýarlar men ónimderdi satyp alý sııaqty bir rettik faktorlar aıasynda odan ári óskeni baıqalǵan.
«Qolma-qol aqshasyz tólemderdiń paıdasyna tańdaý qısyndy, onyń ishinde azamattardyń qolma-qol aqshamen baılanysyn shekteý nıeti bar»,- deıdi Qazaqstan qarjygerleri qaýymdastyǵy Innovasııalar men qarjylyq tehnologııalardy damytý ortalyǵynyń dırektory Konstantın Pak.
Sonymen qatar, naýryz aıynyń qorytyndysy boıynsha Qazaqstan Respýblıkasynyń aýmaǵynda jasalǵan tólemder kólemi boıynsha kóshbasshylardyń úshtigi: Almaty – 34% (-0,6%), odan keıin Nur-Sultan – 16% (-0,8%) jáne Shymkent – 8% (+ 0,5%).
Kartochkalar boıynsha qolma-qol aqshasyz tólemder kóleminiń bankomattardan qolma-qol aqshany alýǵa qatynasy naýryzda 145% -dan 161% -ǵa deıin ósti, bul qolma-qol aqshasyz tólemderdiń bankomattardan qolma-qol aqshany alýda turaqty túrde taralýyn kórsetedi.
Eske salsaq, 2019 jyldyń naýryzynda bul kórsetkish tek 65% bolǵan. Sonymen birge, naýryz aıynda Qazaqstandaǵy tólem kartochkalary boıynsha jasalǵan tranzaksııalardyń jalpy kólemi bir aıǵa 11,3% ósip, 3484,0 mlrd teńgege jetti. Olardyń 62% -y qolma-qol aqshasyz tólemder (+ 3.0%). О́ńirlik bóliniste ońtústik astana absolıýtti mándegi eń úlken ózgeristerdi kórsetti. Naýryz aıynda tranzaksııalar kólemi 87,6 mlrd teńgege ósti.
Basqa aımaqtardaǵy kartochkalyq tólemderdiń dınamıkasy aldyńǵy aımen salystyrǵanda jáne 2019 jyldyń naýryzymen salystyrǵanda da oń ózgeris bar.
Kartochkalardy qoldanýmen qolma-qol aqshasyz tólemder boıynsha «ortasha chek» naýryz aıynda 14,9%-ǵa, 13 279 teńgege deıin ósti, al bankomattan aqshany alýdyń ortasha somasy 5,6% ósti jáne 48 184 teńgeni qurady.
«Bir ýaqytta bankomattardan qolma-qol aqshany alýdyń ulǵaıýy qolma-qol aqshasyz tólem jasaý múmkindigi shekteýli nemese múmkin emes jerlerde satyp alý úshin qolma-qol aqsha alý qajettiligimen baılanysty bolýy múmkin. Qolma-qol aqsha alýdyń ósýiniń mańyzdy faktory ekinshi deńgeıdegi bankterdiń naýryz aıynyń aıaǵynan sáýirdiń ekinshi jartysyna jabylýy bolýy múmkin» dep sanaıdy Konstantın Pak.
Bul rette naýryz aıynda Qazaqstan Respýblıkasynyń aýmaǵynda jasalǵan qolma-qol aqshasyz tólemder kóleminiń 78% (buryn 74%) nemese 1678.5 mlrd teńge onlaın tólemder úlesine tıesili, al 21% (buryn 25%) - tólemder úshin POS-termınaldar arqyly (450,6 mlrd teńge).
Sonymen qatar, sońǵy 12 aıda POS-termınaldar arqyly tólemderdiń Qazaqstandaǵy kartochkalyq operasııalardyń jalpy kólemindegi úlesi 17% azaıdy.
«Sáýirdegi ekonomıkalyq belsendiliktiń aıtarlyqtaı tómendeýine baılanysty Qazaqstandaǵy tólem kartochkalarymen jasalǵan tranzaksııalardyń jalpy kóleminiń tómendeýi múmkin. Aldyn ala málimetter boıynsha, sáýir aıynda jergilikti elektrondyq kommersııanyń úlesi edáýir ósedi, bul qazaqstandyqtardyń jergilikti ınternet-dúkenderden satyp alýdyń ádisterin meńgergenin jáne artyqshylyqtaryn seze bastaǵanyn kórsetedi» dep qorytyndylady Konstantın Pak.
ALMATY
