Nysan 200 naýqasqa eseptelgen, onyń 20-y reanımasııalyq jáne 180 palatalyq oryn. Búginde munda 178 naýqas bar.
«Ortalyqtyń basty ereksheligi - las aýany pasıentter ornalasqan palataǵa kirgizbeı, dálizge jiberetin aǵyndy-sorǵyly jeldetýiniń bolýy. Bul personal men aýrýhana ishinde indet juqtyrýdyń aldyn alady. Nysannyń ekinshi artyqshylyǵy – mundaǵy «las» jáne «taza» aımaqtardyń arasy durys bólingen, ıaǵnı naýqas pen medısınalyq personaldyń ornalasýy. Osylaısha, Nur-Sultannyń jańa Infeksııalyq ortalyǵy barlyq zamanaýı talaptarǵa saı», - dedi A.Sepke.
Onyń aıtýynsha, ortalyqta dıagnostıka jasaýǵa qajetti jaǵdaı bar. Barlyq naýqasqa kompıýterlik tomografııa jasalyp, keshendi zertteýler júrgizilip, ókpedegi ózgerister anyqtalady. О́kipeni jasandy jeldetý apparaty men ottegi qoljetimdi.
Reanımasııalyq bólimnen bólek naýqastar ottegi terapııasyn alatyn arnaıy palatalar bar. Osy kúni ortalyqta 300-ge jýyq maman jumys isteıdi, olar dárigerler men medısına qyzmetkerleri.
