Basqarma basshysynyń aıtýynsha, bıyl oblysta 2015 oryndyq 12 demalys lageri jumys isteıtin bolady. Qazir barlyq lagerler balalardy qabyldaýǵa daıyndyq ústinde.
Aımaqta bıyl jazǵy demalys oryndaryna turmysy tómen otbasynda tárbıelenip jatqan 12 myńǵa jýyq balany tegin jiberý josparlanǵan. Bul maqsatta jergilikti bıýdjetten 74,2 mln teńge qarastyrylyp otyr.
- Sonymen qatar, ınternatta jatqan balalar ózderine burynnan belgilengen saýyqtyrý oryndarynda demalady. Máselen, №1 Rýdnyı arnaıy mektep-ınternatynyń 131 balasy Bákirov atyndaǵy demalys ornynda demalady. Al taıaýda ǵana qaıta ashylǵan erekshe bilim berý qajettiligi bar balalardy ońaltý ortalyǵy men Qostanaı arnaıy mektebiniń 130 oqýshysy jazǵy demalystaryn «Altyngúl» lagerinde ótkizetin bolady. Sondaı-aq, oblys ortalyǵyndaǵy «Januıa» balalar úıiniń tárbıelenýshileri úshin qala syrtyndaǵy lagerlerge joldamalar satyp alynady. Bul maqsatqa oblystyq bıýdjetten 109 mln teńge qarastyrylǵan, - dedi V. Symbalıýk.
Munyń syrtynda bıyl aımaqtaǵy mektepter janynan 1 myń 300-ge jýyq lager ashý josparlanǵan. Munda jalpy sany 60 myńnan astam bala jazǵy ýaqyttaryn ótkizedi.
«Bizdiń mindetimiz - tek jazǵy demalysty uıymdastyrý ǵana emes, sonymen qatar balalardyń úzdiksiz damýyna jaǵdaı jasaý» - degen Vasılıı Symbalıýk jazǵy maýsymda Til alańdary, kóshbasshylar, olımpıadalyq rezerv mektepteri jumys isteıtinin aıtty.
Qostanaı oblysy
