Bul azamattyń aıtýynsha, ol 4 mamyrdan bastap aýyrǵan, dene qyzýy 39 gradýsqa deıin kóterilgen, tamaǵy aýyryp, jalpy álsizdik baıqalǵan. Er azamat medısınalyq kómekke júginbegen, ózdiginen emdelgen. Oblys, qaladan tys jerlerge shyqpaǵan, vırýsty juqtyrǵan adamdarmen tikeleı baılanysta bolmaǵan.
7 mamyr kúni naýqas telefon arqyly №3 emhanaǵa qońyraý shalyp, qashyqtan ýchaskelik dárigerden keńes alǵan. Osylaısha naýqasqa em taǵaıyndalyp, aýrýhanaǵa jatý usynyldy. Jedel medısınalyq kómek brıgadasy bul azamatty Ekibastuz qalalyq aýrýhanasynyń provızorlyq bólimshesine jetkizgen.
Sondaı-aq naýqas 10 jyldan astam ýaqyt kúretamyr gıpertonııasymen dıspanserlik esepte turǵany anyqtaldy.
COVID-19 ǵa analız aýrýhanaǵa túsken kezde alyndy, nátıjesi teris. 10 mamyr kúni jaǵdaıy nasharlaǵan soń pasıent Ekibastuz qalalyq aýrýhanasynyń juqpaly aýrýlar bólimshesiniń jan saqtaý bólimine aýystyryldy, ınvazıvti emes ókpe jeldetkishine qosyldy, keıinnen ókpeni jasandy jeldetýge aýystyryldy.
11 mamyrda COVID-19 ǵa taldaý teris nátıje kórsetti, al 12 mamyrda bul azamattyń vırýsty juqtyrǵanyn kórsetti.
Naýqaspen baılanysta bolýy múmkin adamdar toby anyqtaldy. Epıdemııaǵa qarsy sharalar qolǵa alynǵan.
Búginde Pavlodar oblysynda koronavırýs ınfeksııasyn juqtyrǵan 155 adam tirkelgen.
