Aımaqtar • 14 Mamyr, 2020

Qostanaıǵa «Teńizshevroılda» jumys istegen 55 munaıshy keledi

420 ret

kórsetildi

1 mın

oqý úshin

29 sáýirde Qostanaı qalasyna Atyraý oblysynda jumys istegen 358 munaıshy kelgen edi. Eki jeti ishinde olardyń birnesheýinen COVID-19 vırýsy anyqtaldy.

Nurqanat QULABAEV

Qostanaıǵa «Teńizshevroılda» jumys istegen 55 munaıshy keledi

«Búgin Qostanaıǵa taǵy 55 munaıshy keledi. Olardyń barlyǵy «Teńizshevroılda» vahtalyq ádispen jumys istep júrgen Qostanaı oblysynyń turǵyndary. Kelgen bette atalǵan azamattardan indet belgileriniń bar-joǵyn anyqtaý maqsatynda saýaldama alynyp, termometrııa júrgiziletin bolady. Sodan soń olar ýaqytsha oqshaýlaý oryndaryna, oblys ortalyǵynyń karantın stasıonarlaryna jetkiziledi. Ol jerde COVID-19-ǵa tereń zertteý júrgizý úshin taldaý alynady. Zertteý qorytyndysy teris nátıje kórsetken jaǵdaıda, jazbasha qolhat alynyp, jumysshylar 14 kúndik ınkýbasııalyq kezeń aıaqtalǵanǵa deıin úı karantınine jiberiledi. Al taldaý qorytyndysy oń nátıje kórsetken jumysshylar ınfeksııalyq bólimge jatqyzylady», - dep habarlady oblystyq jedel aqparat shtaby.

Qostanaı oblysy