Turǵyndardyń narazylyǵyn týǵyzǵan beınejazbanyń mán-jaıyn sál keıinirek polısııa departamentiniń baspasóz qyzmeti baıandap berdi. Olar bergen resmı aqparat boıynsha, oqıǵa 13 mamyr kúni saǵat 16.50-de bolǵan. Kúzet qyzmetin Abaı dańǵyly men Bykovskıı kóshesiniń qılysynda ornalasqan janarmaı beketiniń operatorlary shaqyrtypty. Oqıǵa ornyna jetken «Arystan» jedel qımyl tobyna kýágerler qyzdyń janarmaı quıý beketiniń áınegine tas laqtyryp, asfalt tósep jatqan jumysshylarǵa judyryq ala júgirgenin aıtady.
О́zin ustamaq bolyp umtylǵan ekeýdi kórgen qyz bir kúzetshiniń betin tyrnap, ekinshisiniń qulaǵyn jyrtyp tastaıdy. Kúzetshiler tártip buzýshyny ekeýlep júrip kólikke basyp, polısııanyń «Ońtústik» bólimine jetkizgen. Polısııa onyń Nur-Sultan qalasynan kelgenin jáne qyz bala emes, 1988 jyly týǵan er adam ekenin anyqtaıdy.
- Beınejazbadaǵy adamdy shashtan alyp súırelegen kúzetshige qatysty QR QK 252-babynyń 1-bólimi boıynsha sotqa deıingi tergeý amaldary bastaldy. Al kúdiktiniń kinási bastapqy is materıaldary jınaqtalǵan soń belgili bolady, - dedi polısııa departamentiniń baspasóz hatshysy Irına Bejenar.
Qostanaı oblysy
