Túrkimenstan Syrtqy ister mınıstrligi úkimettiń kezekti otyrysynda prezıdent Gýrbangýly Berdimuhamedov «Túrkimenstannyń Dúnıejúzilik saýda uıymyna baqylaýshy retinde kirýi týraly» jarlyqqa qol qoıǵanyn aıtady.
Osylaısha, memleket basshysy arnaıy úkimettik komıssııanyń Túrkimenstannyń DSU-ǵa kirýi týraly usynysyn maquldady, osy qujatqa sáıkes túrikmen tarapy DSU-nyń bas dırektory Robert Azevedtiń atyna uıymǵa baıqaýshy retinde kirý týraly ótinish hat joldady.
«DSU-ǵa kirý rásimderine sáıkes, Túrkimenstandy uıymǵa baıqaýshy retinde qabyldaý máselesi jaqyn arada ótetin DSU Bas keńesiniń kelesi otyrysynda qaralady», dedi Túrkimenstan Syrtqy ister mınıstrligi.
Alǵash ret Túrkimenstannyń DSU-ǵa kirýi týraly máseleni 9 jyl buryn Eýrokomıssııanyń sol kezdegi basshysy Joze-Manýel Barrozý kótergen bolatyn.
2011 jyly Ashhabadqa jasaǵan saparynda ol Gýrbangýly Berdimuhamedovti Dúnıejúzilik saýda uıymyna kirýge Túrikmenstannan ótinish berýge shaqyrdy.
Ashhabad DSU-ǵa kirý ulttyq ekonomıkanyń damýyna serpin beredi jáne sheteldik seriktestermen yntymaqtastyqty keńeıtedi dep sanaıdy.
